ەل تۇرعىندارىنان تٸركەلمەگەن 428 قارۋ تەركٸلەندٸ. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز مەلٸم ەتتٸ, دەپ حابارلايدى قازاقپارات.
ونىڭ اتاپ ٶتۋٸنشە, ەلٸمٸزدٸڭ اۋماعىندا 3 اي بويى جٷرگٸزٸلگەن «ۋچاسكە» جەدەل الدىن الۋ ٸس-شاراسى بارىسىندا تۇرعىلىقتى جەرٸ بويىنشا 200 مىڭنان استام ازاماتتىق قارۋ يەسٸ تەكسەرٸلدٸ. 3 مىڭعا جۋىق اتىس قارۋىن ساقتاۋ ەرەجەسٸن بۇزۋ انىقتالدى. اينالىمنان تٸركەلمەگەن 428 قارۋ تەركٸلەندٸ.
«وپەراتسييا باستالعاننان بەرٸ پوليتسييا قىزمەتكەرلەرٸ 500 مىڭنان استام ەكٸمشٸلٸك قۇقىق بۇزۋشىلىقتىڭ, ونىڭ ٸشٸندە 8 مىڭنان استام ۇساق بۇزاقىلىقتىڭ جولى كەستٸ. سونداي-اق وتباسىلىق-تۇرمىستىق سالاداعى 11 مىڭنان استام قۇقىق بۇزۋشىلىقتىڭ جەنە كٶشٸ-قون زاڭناماسىنا قاتىستى 82 مىڭنان استام زاڭ بۇزۋشىلىقتىڭ الدىن الدى»,- دەدٸ نۇردٸلدە وراز ٸٸم باسپاسٶز الاڭىندا ٶتكەن بريفينگ بارىسىندا.
