Bizdiń bir ǵana Otanymyz bar! Taǵdyrymyz bir! Biz halqymyzdyń jarqyn bolashaǵy úshin bárimiz birge eńbek etemiz!
Búgin, iaǵni 19 naýryz Qazaqstan prezidenti Qasym-Jomart Toqaevtyń resmi túrde prezidenttik mansabyna kiriskenine eki jyl toldy, dep habarlaidy Skifnews.kz aqparat portaly.
2019 jyldyń naýryz aiynyń 19-nshy juldyzynda Qazaq elin otyz jylǵa jýyq basqarǵan Nursultan Nazarbaev otstavkaǵa ketip, el basqarý tizginin saiasatker Qasym-Jomart Toqaevqa tabystalǵan edi. 9 maýsymda kezekten tys prezident sailaýy ótip, Qasym-Jomart Kemeluly Toqaev zańdy túrde el prezidenti bolyp sailandy. Maýsym aiynyń 12-si kúni Toqaev ant qabyldap, resmi túrde prezident qyzmetine kiristi.
Ulyqtaý rásiminde Qasym-Jomart Kemeluly Qazaqstannyń endigi joly basqasha bolatynyn, álemdik qaýymdastyq aldyndaǵy alǵan mindettemeleri men ustanymdarynan taimaitynyn atap ótti. «Elimizdiń ár azamatynyń múddesin qorǵaý – meniń basty maqsatym. Olardy saiasi kózqarastary men ustanymdaryna qarai bólýge jol bermeimin! Túrli saiasi jáne qoǵam qairatkerlerinen kelip túsken qundy usynystardy, bastamalardy men óz jumysymda mindetti túrde eskeremin. Ashyq jáne ádil jumys isteimiz. Biz úshin eń mańyzdy mindet – zańǵa sai adal qyzmet etý. Bizdiń bir ǵana Otanymyz bar! Taǵdyrymyz bir! Biz halqymyzdyń jarqyn bolashaǵy úshin bárimiz birge eńbek etemiz!», - degeni belgili.
Árine osy eki jyldyń ishinde Q.Toqaev bul sóziniń ras ekendigin dáleldep, ishki jáne syrtqy saiasat sheńberinde birqatar tyń qadamdarǵa baryp, el ekonomikasy men ult bolashaǵynyń damýy men óristeýine sep bolatyn úlken bastamalar kóterip, naqty sheshimder qabyldap úlgerdi. Ony otandyq qana emes sheteldik sarapshylar da ashyq aityp jatyr.
Máselen, Ázerbaijan Prezidenti janyndaǵy Strategiialyq zertteýler instititýynyń direktory Farhad Mammadovtyń aitýynsha, Toqaev barynsha básekege qabiletti saiasi keńistik qurý isin jańa beleske kóterip otyr. «Prezident sailaýynyń ózi jáne oǵan oppozitsiia ókilderiniń qatysýy, oppozitsiia kandidatyna berilgen 1,5 daýys qoǵamda ózgerister men reformaǵa suranystyń bar ekendigin pash etip otyr», - dep atap ótken ol.
Mammadov myrza sonymen qatar, Memleket basshysynyń memlekettik apparatqa barynsha tyńǵylyqty bolý, halyqtyń oiyn erkin jetkizýi men talabyna jaǵdai jasaý sekildi bastamalary álemdik qaýymdastyq tarapynan úlken qoldaýǵa ie bolyp otyrǵanyn tilge tiek etken.
Toqaevtyń eń úlken bastamalarynyń biri Ulttyq qoǵamdyq senim keńesin qurý ideiasy ekeni daýsyz. Rasyn aitý kerek, bul bastama bilik pen halyq arasyndaǵy bailanysty múldem jańa satyǵa kóterip, qos tarap arasyndaǵy alshaqtyqty birshama jaqyndatýǵa umtylǵan kelisim alańyna ainalyp úlgerdi. Quramyna halyqtyń arasynda bedeli bar, kózqarasy men ózindik pikiri qalyptasqan, eldi tolǵandyrǵan máselelerdi udaiy kóterip júretin azamattardy tarta bilgen bul keńeste búginde jalpy halyqty alańdatqan birshama túitkildi máseleler talqylanyp, zańdy turǵyda sheshimin taýyp jatyr.
Máselen, osy keńeste Toqaev «Halyq únine qulaq asatyn memleket» tujyrymdamasyn tanystyrdy. Búginde halyq bul tujyrymdamanyń sóz júzinde qalyp qoimai, naqty iske asyp jatqanyna kýá bolyp otyr.
«Memleket basshysynyń saiasi partiialar úshin Májiliske ótý shegin 7-den 5% - ǵa deiin tómendetý kóppartiialyqty damytýǵa jáne tutastai partiialyq júieni odan ári damytýǵa yqpal etetin bolady. Saiasi reformalardyń birinshi paketinde saiasi partiialardy tirkeý shegi 50% - ǵa 40 myńnan 20 myńǵa deiin tómendetilgeni esimizde. Sonymen qatar, barlyq deńgeidegi sailaý biýlletenderine «barlyǵyna qarsy» baǵanyn engizý qoǵamdy odan ári demokratiialandyrý protsesin, halyqtyń ár túrli pikirlerin eskerý kórsetkishin yntalandyrady. Bul týraly taiaýdaǵy parlamenttik sailaý barysynda ártúrli qoǵam ókilderi men basqa da saiasi partiialardyń ókilderi aitqan bolatyn. Sonyń saldarynan biz is júzinde bilik pen qoǵam arasyndaǵy dialogtyń nátijelerin kórip otyrmyz. «Halyq únine qulaq asatyn memleket» qaǵidasynyń is júzinde júzege asýyna kýá bolýdamyz» , - deidi saiasattanýshy Qazybek Maigeldinov.
Jalpy búginge deiin Ulttyq keńestiń usynysymen 13 birdei zań qabyldanypty. Taǵy 9 zań jobasy ázirlenip jatqanyn aita ketý kerek. El múddesinen shyqqan mundai igi isterdiń qatarynda turǵyn-úi jáne ekonomika saiasatyn jetildirý, turǵyndardy qoljetimdi baspanamen qamtamasyz etý, bilim berý isin damytyp, muǵalimder men dárigerlerdiń jalaqysyn kóbeitip, áleýmettik mártebesin arttyrý máselesi, pedagogikalyq joǵary oqý oryndarynda oqityn stýdentterdiń stipendiiasyn kóterý týraly sheshimderdi aitýǵa bolady.
Sonymen qatar, adam quqyǵyn qorǵaý, saiasi reformalardy júieli negizde júzege asyrý sekildi birshama dúnieler qaita qaralyp, sheshimin tapty deýge bolady. Bul jobalardyń ishindegi eń shoqtyǵy biik dúnielerdiń biri - kentterdiń, aýyldar men aýyldyq okrýgterdiń ákimderin tikelei sailaý ekeni daýsyz.
Árine, Qasym-Jomart Toqaevtyń eń úlken erlikteriniń biri – uzaq jyldar boiy kún tártibinen túspei kele jatqan jer máselesine núkteniń qoiylýy boldy. Memleket basshysy Qasym-Jomart Toqaevtyń Ulttyq qoǵamdyq senim keńesiniń V otyrysynda jer máselesine erekshe toqtalyp ótti. «Halqymyz úshin jer máselesi qashanda asa mańyzdy. Bul – memlekettigimizdiń berik negizi jáne qasietti simvoly. Qazaqtyń jeri sheteldikterge satylmaidy dep birneshe ret aittym. Bul máselege qatysty qaýesetterdi toqtatý qajet. Sondyqtan, men mynadai naqty sheshimder qabyldadym. Birinshiden, sheteldikterge jáne sheteldik zańdy tulǵalarǵa aýyl sharýashylyǵy jerlerin satýǵa, jalǵa berýge zań júzinde birjola tyiym salýdy tapsyramyn. Bul sheteldikterdiń úlesi bar zańdy tulǵalarǵa da qatysty. Men muny Prezidenttiń zań shyǵarý bastamasy arqyly jedel túrde júzege asyrý qajet dep sheshtim. Prezident Ákimshiligi dál osy máselege bailanysty tiisti zań jobasyn ázirleýi kerek», - dep atap ótti.
Prezidenttiń bul sheshimin Alash jurty óte úlken qýanyshpen qarsy aldy deýge bolady. Máselen belgili aqyn, Prezident janyndaǵy ulttyq keńestiń múshesi Aýyt Muqibek Toqaevtyń bul sheshimin qazaq tarihynda bolmaǵan sheshimge balaǵanyn aita ketý kerek. Prezidenttiń «Sheteldikterge jáne sheteldik zańdy tulǵalarǵa aýyl sharýashylyǵy jerlerin satýǵa, jalǵa berýge zań júzinde birjola tyiym salýdy tapsyramyn» - deýi qazaq tarihyna altyn árippen jazylǵan sheshim bolyp otyr. Ári osy tapsyrmany tez arada oryndaýdy uiǵardy. Jalpy, jurttyń kútkeni de osy edi. Bul Qasym-Jomart Toqaevtyń qoly arqyly qazaq tarihyna altyn árippen jazylǵan sheshim boldy», - deidi ol.
Prezident Toqaevtyń azamattyq beinesi ásirese álem jurtshylyǵyn áýre-sarsańǵa salǵan koronavirýs pandemiiasy kezinde airyqsha baiqaldy deýge bolady. Der kezinde elde tótenshe jaǵdai jariialap, úlken qalalardy karantinge japty. Artynsha eldiń jaǵdaiy nasharlap ketpeý maqsatynda áleýmettik kómek paketterin iske qosty.
Atap aitar bolsaq, osy ýaqyt aralyǵynda 4,5 millionnan astam adamǵa 42500 teńge kóleminde qarjylai kómek kórsetilipti. 1 millionnan astam azamatqa azyq-túlik pen turmystyq zattar úlestirildi. 2 millionǵa jýyq adamnyń nesie tóleý merzimi keiinge shegerildi. 700 myńnan astam kompaniia men kásipkerlerdiń salyq júktemesi azaityldy. Jalpy Qazaqstan Prezidentiniń tapsyrmasymen qurylǵan Tótenshe jaǵdai jónindegi memlekettik komissiia 500-ge jýyq mańyzdy sheshimderdi iske asyrǵan.
Tek pandemiia ǵana emes Arystaǵy alapat apat, elimizdiń ár jerinen boi kótergen ártúrli áleýmettik narazylyqtar, teńgeniń qunsyzdanýy sekildi eldiń mazasyn qashyrǵan jaittardyń barlyǵynda da Memleket basshysy batyl qadamǵa bara bildi. Sol sekildi 2020 jyldyń aqpanynda bolǵan Qordaidaǵy qaqtyǵysta da Prezident eldiń janynan tabyldy.
Prezident Toqaev óziniń alǵashqy Joldaýynda da kóp dúnieniń qamtylǵanyn aita kerek. Eldegi memlekettik baǵdarlamalar men sheneýnikter sanyna toqtaldy. Ol eldiń kólemdi emes, halyq túsinetin yqsham memlekettik baǵdarlamalarǵa kóshý keregin eskertip, sheneýnikter sanyn 25 paiyzǵa qysqartýdy tapsyrdy. Únemdelgen qarajat arqyly qalǵan qyzmetkerlerdiń jalaqysy arttyrylmaq.
Turǵyndar úshin joldaýdaǵy mańyzdy tapsyrmalardyń biri - zeinetaqyǵa qatysty edi. «Meniń tapsyrmamnyń aiasynda turǵyndar zeinetaqy jinaqtarynyń bóligin paidalaný máselesi qarastyryldy. Bul - qazir óte ózekti. 2021 jyly Biryńǵai jinaqtaýshy zeinetaqy qorynyń 700 myń salymshysy óz jinaǵynyń bóligin úi alý, emdelý úshin paidalana alady nemese qarjy uiymdarynyń basqarýyna bere alady. Úkimetke Ulttyq bankpen birlese jyl sońyna deiin tiisti normativtik-quqyqtyq aktilerdi qabyldaýdy jáne daiyndyq jumystaryn júrgizýdi tapsyramyn», - degenin aita ketý kerek.
Sonymen qatar, muǵalimderdiń jalaqysyn kóterý, dárigerlerge tólemaqy retinde taǵy 150 milliard teńge bólý jáne balaly bola almai júrgen otbasylarǵa kómektesý máselesine toqtaldy. Osy maqsatta ol úkimetke 2021 jyldan bastap «Ańsaǵan sábi» arnaiy baǵdarlamasyn bastaýdy tapsyrdy. Búginde prezidenttiń tapsyrmasymen EKO baǵdarlamalary arqyly kvota sanyn jeti myńǵa deiin, iaǵni jeti ese kóbeitilip otyr.
Aitpaqshy óz joldaýynda Toqaev eldegi jemqorlyqpen kúres máselesine de erekshe toqtalǵan edi. Búginde Ekonomikalyq qylmystarǵa qarsy kúres agenttigin qurylyp, jemqorlyqpen kúres máselesi jańa formatqa kóship jatyr.
