El halqyn otandyq azyq-túlikpen qamtýǵa barlyq múmkindik bar. Bul týraly Senat otyrysynda QR Aýyl sharýashylyǵy ministri Erbol Qarashókeev aitty, dep habarlaidy QazAqparat.
«Aýyl sharýashylyǵy ministrliginiń aldyna qoiylǵan mindettiń biri – halyqty Qazaqstanda óndirilgen azyq-túlik taýarlarymen, eń aldymen qus eti, balyq, shujyq, súzbe men irimshik, alma jáne qantpen qamtý. Ol úshin taiaýda qabyldanǵan Ulttyq jobalar aiasynda 930-dan astam investitsiialyq jobany 2025 jyldyń sońyna deiin júzege asyrý kózdelgen. Onda 150-den astam taýarlyq sút fermasyn paidalanýǵa berý qarastyrylǵan. 19 úlken qus fabrikasy salynady. Onyń ishinde 9 et óńdeitin zaýyt bolady. 6,6 myń gektar qarqyndy baqty paidalanýǵa berý de josparlanǵan» - dedi ministr Senat depýtattarynyń saýalyna orai.
Onyń atap ótýinshe, atalǵan jobalardy júzege asyrýǵa 4,5 trln teńge qarajat tartylady.
«Al qarastyrylyp otyrǵan 2022-2024 jyldarǵa arnalǵan 3 jyldyq biýdjette 235 mlrd teńge kózdelgen. Bul qarajat investitsiialyq sýbsidiia men nesie jáne lizing tólemaqysyn tómendetetin sýbsidiia úshin qarastyrylyp otyr. Jalpy Qazaqstanda óndiriletin azyq-túlik taýarlaryn el halqyna qoljetimdi jasaýǵa barlyq múmkinshilik bar dep sanaimyz», - dedi Erbol Qarashókeev.
