ەل حالقىن وتاندىق ازىق-تٷلٸكپەن قامتۋعا بارلىق مٷمكٸندٸك بار. بۇل تۋرالى سەنات وتىرىسىندا قر اۋىل شارۋاشىلىعى مينيسترٸ ەربول قاراشٶكەەۆ ايتتى, دەپ حابارلايدى قازاقپارات.
«اۋىل شارۋاشىلىعى مينيسترلٸگٸنٸڭ الدىنا قويىلعان مٸندەتتٸڭ بٸرٸ – حالىقتى قازاقستاندا ٶندٸرٸلگەن ازىق-تٷلٸك تاۋارلارىمەن, ەڭ الدىمەن قۇس ەتٸ, بالىق, شۇجىق, سٷزبە مەن ٸرٸمشٸك, الما جەنە قانتپەن قامتۋ. ول ٷشٸن تاياۋدا قابىلدانعان ۇلتتىق جوبالار اياسىندا 930-دان استام ينۆەستيتسييالىق جوبانى 2025 جىلدىڭ سوڭىنا دەيٸن جٷزەگە اسىرۋ كٶزدەلگەن. وندا 150-دەن استام تاۋارلىق سٷت فەرماسىن پايدالانۋعا بەرۋ قاراستىرىلعان. 19 ٷلكەن قۇس فابريكاسى سالىنادى. ونىڭ ٸشٸندە 9 ەت ٶڭدەيتٸن زاۋىت بولادى. 6,6 مىڭ گەكتار قارقىندى باقتى پايدالانۋعا بەرۋ دە جوسپارلانعان» - دەدٸ مينيستر سەنات دەپۋتاتتارىنىڭ ساۋالىنا وراي.
ونىڭ اتاپ ٶتۋٸنشە, اتالعان جوبالاردى جٷزەگە اسىرۋعا 4,5 ترلن تەڭگە قاراجات تارتىلادى.
«ال قاراستىرىلىپ وتىرعان 2022-2024 جىلدارعا ارنالعان 3 جىلدىق بيۋدجەتتە 235 ملرد تەڭگە كٶزدەلگەن. بۇل قاراجات ينۆەستيتسييالىق سۋبسيدييا مەن نەسيە جەنە ليزينگ تٶلەماقىسىن تٶمەندەتەتٸن سۋبسيدييا ٷشٸن قاراستىرىلىپ وتىر. جالپى قازاقستاندا ٶندٸرٸلەتٸن ازىق-تٷلٸك تاۋارلارىن ەل حالقىنا قولجەتٸمدٸ جاساۋعا بارلىق مٷمكٸنشٸلٸك بار دەپ سانايمىز», - دەدٸ ەربول قاراشٶكەەۆ.
