El aýmaǵynda esirtki satýdy nasihattaityn segiz sait jabyldy, dep habarlaidy "Ult aqparat".
Oral qalasy prokýratýrasy internet kózderine monitoring júrgizý barysynda esirtki quraldary men psihotroptyq zattardy jarnamalap, nasihattaityn segiz saitty anyqtady.
BQO prokýratýrasynyń baspasóz qyzmetinen túsken málimetke qaraǵanda, bul «Buqaralyq aqparat quraldary týraly» QR Zańy 2-babynyń talaptaryna qaishy keledi.
Saittardaǵy aqparattyń el aýmaǵynda jariialanýy zańsyz bolǵandyqtan jáne olardy jabý úshin zańsyz dep taný týraly sotqa talap aryz berildi.
QR Azamattyq protsestik kodeksiniń 54-baby 3-tarmaǵyna sáikes prokýror azamattardyń quqyqtaryn, bostandyqtary men zańdy múddelerin, zańdy tulǵalardyń quqyqtary men zańdy múddelerin, qoǵamdyq nemese memlekettik múddelerdi qorǵaý týraly talap qoiýmen, aryzben sotqa júginýge quqyly.
Qala prokýrorynyń aryzy qanaǵattandyrylyp, Oral qalasy №2 sotynyń sheshimimen atalmysh saittar zańsyz dep tanyldy.
Sheshimniń oryndalýy QR Ádilet, Aqparat jáne qoǵamdyq damý ministrlikterine júkteldi.
Sot aktisi zańdy kúshine engen joq.
