2010-2021 jyldar aralyǵynda qorshaǵan ortaǵa ziian keltiretin 126 munai uńǵymasynyń kózi joiylǵan, dep habarlaidy QazAqparat.
Bul týraly QR Ekologiia, geologiia jáne tabiǵi resýrstar vitse-ministri Serikqali Brekeshev ortalyq kommýnkatsiialar qyzmetinde ótip jatqan brifingide aitty.
«Qazaqstannyń geologiia salasyn damytý» taqyrybynda baiandama jasaǵan vitse-ministr qorshaǵan ortaǵa ziian keltiretin munai uńǵymalarynyń kózi memlekettik biýdjeti esebinen joiylyp jatqanyn aitty.
«Qorshaǵan ortany lastaityn apattyq jaǵdaidady munai uńǵymalaryn joiý úshin 2010-2021 jyldar aralyǵynda el aýmaǵynda zertteýler júrgizilgen bolatyn. Zertteý kezinde 132 apattyq munai uńǵymasy anyqtaldy. Onyń 126-sy memlekettik biýdjet esebinen joiyldy. Taǵy 6 uńǵymany joiý qajet bolyp otyr. Aqtóbe oblysynda– 3, Atyraý obylsynda – 1, Mańǵystaý oblysynda – 2 apattyq jaǵdaidaǵy uńǵyma bar. Atalǵan iesiz apattyń jaǵdaidaǵy uńǵymalardy joiý 2023 jyly bastalady», - dedi Serikqali Brekeshev.
