2010-2021 جىلدار ارالىعىندا قورشاعان ورتاعا زييان كەلتٸرەتٸن 126 مۇناي ۇڭعىماسىنىڭ كٶزٸ جويىلعان, دەپ حابارلايدى قازاقپارات.
بۇل تۋرالى قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ سەرٸكقالي برەكەشەۆ ورتالىق كوممۋنكاتسييالار قىزمەتٸندە ٶتٸپ جاتقان بريفينگٸدە ايتتى.
«قازاقستاننىڭ گەولوگييا سالاسىن دامىتۋ» تاقىرىبىندا بايانداما جاساعان ۆيتسە-مينيستر قورشاعان ورتاعا زييان كەلتٸرەتٸن مۇناي ۇڭعىمالارىنىڭ كٶزٸ مەملەكەتتٸك بيۋدجەتٸ ەسەبٸنەن جويىلىپ جاتقانىن ايتتى.
«قورشاعان ورتانى لاستايتىن اپاتتىق جاعدايدادى مۇناي ۇڭعىمالارىن جويۋ ٷشٸن 2010-2021 جىلدار ارالىعىندا ەل اۋماعىندا زەرتتەۋلەر جٷرگٸزٸلگەن بولاتىن. زەرتتەۋ كەزٸندە 132 اپاتتىق مۇناي ۇڭعىماسى انىقتالدى. ونىڭ 126-سى مەملەكەتتٸك بيۋدجەت ەسەبٸنەن جويىلدى. تاعى 6 ۇڭعىمانى جويۋ قاجەت بولىپ وتىر. اقتٶبە وبلىسىندا– 3, اتىراۋ وبىلسىندا – 1, ماڭعىستاۋ وبلىسىندا – 2 اپاتتىق جاعدايداعى ۇڭعىما بار. اتالعان يەسٸز اپاتتىڭ جاعدايداعى ۇڭعىمالاردى جويۋ 2023 جىلى باستالادى», - دەدٸ سەرٸكقالي برەكەشەۆ.
