Foto: Elordainfo.kz
Týrizm jáne sport ministrligi el aýmaǵynda sport infraqurylymyn damytý baǵytyndaǵy júieli jumysyn jalǵastyryp keledi. Biyl respýblika boiynsha 121 sport nysanyn paidalanýǵa berý josparlanyp otyr, dep habarlaidy Ult.kz.
Máselen biyl Taraz qalasynyń Uly Dala shaǵyn aýdanynda dene shynyqtyrý-saýyqtyrý kesheni, Qyzylorda qalasynda «Qyzylorda Arena» sport kesheni, Jańaózen qalasynda 160 oryndyq dene shynyqtyrý-saýyqtyrý kesheni paidalanýǵa beriledi.
Sonymen qatar Astanada Qajymuqan Muńaitpasov atyndaǵy stadionnyń qurylysy aiaqtalady dep kútilýde. Nysandy paidalanýǵa berý merzimi – 2026 jyldyń birinshi toqsany. Al Almaty qalasynda Medeý muz aidynyn qaita jańǵyrtý jumystary josparǵa sáikes júrgizilip jatyr.
Bul jobalar halyqtyń buqaralyq sportpen ainalysýyna qolaily jaǵdai jasap, kásibi sportty damytýǵa serpin berýge baǵyttalǵan.
Aita keteiik, 2025 jyly elimizde 147 sport nysany paidalanýǵa berilgen. Atalǵan nysandardyń 100-den astamy aýyldyq jerlerde, al 40-qa jýyǵy qalalyq aimaqta salyndy. Iri jobalar qatarynda Túrkistan qalasyndaǵy eskek esý arnasy men Qyzylordadaǵy «Qaisar Arena» stadiony bar.
