فوتو: Elordainfo.kz
تۋريزم جەنە سپورت مينيسترلٸگٸ ەل اۋماعىندا سپورت ينفراقۇرىلىمىن دامىتۋ باعىتىنداعى جٷيەلٸ جۇمىسىن جالعاستىرىپ كەلەدٸ. بيىل رەسپۋبليكا بويىنشا 121 سپورت نىسانىن پايدالانۋعا بەرۋ جوسپارلانىپ وتىر, دەپ حابارلايدى Ult.kz.
مەسەلەن بيىل تاراز قالاسىنىڭ ۇلى دالا شاعىن اۋدانىندا دەنە شىنىقتىرۋ-ساۋىقتىرۋ كەشەنٸ, قىزىلوردا قالاسىندا «قىزىلوردا ارەنا» سپورت كەشەنٸ, جاڭاٶزەن قالاسىندا 160 ورىندىق دەنە شىنىقتىرۋ-ساۋىقتىرۋ كەشەنٸ پايدالانۋعا بەرٸلەدٸ.
سونىمەن قاتار استانادا قاجىمۇقان مۇڭايتپاسوۆ اتىنداعى ستاديوننىڭ قۇرىلىسى اياقتالادى دەپ كٷتٸلۋدە. نىساندى پايدالانۋعا بەرۋ مەرزٸمٸ – 2026 جىلدىڭ بٸرٸنشٸ توقسانى. ال الماتى قالاسىندا مەدەۋ مۇز ايدىنىن قايتا جاڭعىرتۋ جۇمىستارى جوسپارعا سەيكەس جٷرگٸزٸلٸپ جاتىر.
بۇل جوبالار حالىقتىڭ بۇقارالىق سپورتپەن اينالىسۋىنا قولايلى جاعداي جاساپ, كەسٸبي سپورتتى دامىتۋعا سەرپٸن بەرۋگە باعىتتالعان.
ايتا كەتەيٸك, 2025 جىلى ەلٸمٸزدە 147 سپورت نىسانى پايدالانۋعا بەرٸلگەن. اتالعان نىسانداردىڭ 100-دەن استامى اۋىلدىق جەرلەردە, ال 40-قا جۋىعى قالالىق ايماقتا سالىندى. ٸرٸ جوبالار قاتارىندا تٷركٸستان قالاسىنداعى ەسكەك ەسۋ ارناسى مەن قىزىلورداداعى «قايسار ارەنا» ستاديونى بار.
