Indýstriialyq-innovatsiialyq qyzmet sýbektileriniń shyǵyndarynyń bir bóligin óteý jónindegi vedomstvoaralyq komissiianyń otyrysynda 10 kompaniianyń 17 ótinimi boiynsha jalpy 84,6 mln teńge somasy maquldandy. Bul týraly "Ult aqparat" Saýda jáne integratsiia ministrligine silteme jasap habarlaidy.
«Ótinimderi maquldanǵan kompaniialar ónerkásiptik, tamaq jáne aýylsharýashylyq ónimderin óndirý jáne eksporttaýmen ainalysady. Olardyń ónimderi Resei, Qyrǵyzstan, Ázirbaijan, Tájikstan, Ózbekstan, Túrkimenstan jáne Qytai naryqtaryna jetkiziledi», - delingen Saýda jáne integratsiia ministrliginiń baspasóz habarlamasynda.
Biyldan bastap biýdjettik qarajatty tiimdi paidalaný maqsatynda kásiporyndar jumys oryndarynyń sany, eksport kólemi, eńbek ónimdiligi, daiyn ónim kólemi siiaqty kórsetkishterdi ulǵaitý boiynsha birqatar mańyzdy mindettemelerdi ózderine aldy.
«Eksporttaýshy kompaniialar eksporttyq ótkizý naryqtaryn keńeitýge jáne Belarýs, Ýkraina, Chehiia, Bolgariia, Polsha, Túrkiia jáne Aýǵanstan naryqtaryna deiin ónimderin ilgeriletýge mindettenedi. Buryn, 1-shi vedomstvoaralyq komissiia otyrysy nátijesi boiynsha, 3 kompaniia boiynsha jalpy 149,3 mln teńge somasyna oń sheshim qabyldanǵan. Jyldyń basynan beri shyǵyndardy óteýdiń jalpy somasy shamamen 234 mln teńgeni qurady», - dedi ministrlik.
