20-ǵa jýyq memleket jáne úkimet basshysy Astanada EKSPO kórmesiniń saltanatty ashylýyna qatysady, dep málimdedi QR Syrtqy ister ministri Qairat Abdrahmanov.
"Toǵyzynshy maýsymda Shanhai yntymaqtastyq uiymyna múshe elderdiń memleket basshylarynyń otyrysy aiaqtalǵannan keiin EKSPO kórmesiniń saltanatty ashylýy ótedi. Kórmeniń ashylýyna 17 memleket jáne úkimet basshysy qatysady dep otyrmyz. Budan bólek, zańnamalyq organdardyń ókilderi, EKSPO kórmesine belsendi qatysyp jatqan túrli elderdiń atynan ministrler qatysady", - dep habarlady Abdrahmanov BAQ ókilderine.
Sondai-aq ShYU otyrysyna keletin delegatsiia basshylarynyń qurmetine merekelik kontsert ótedi.
Ministr ShYU otyrysynyń tarihi máni zor ekenin atap ótti. Uiymǵa múshe memleketterdiń basshylary Astana deklaratsiiasyna qol qoiady, ShYU ekstremizmge qarsy is-qimyl konventsiiasy qabyldanyp, Úndistan men Pákistanǵa ShYU-ǵa múshe memleket mártebesin berý boiynsha qajetti rásimder aiaqtalady.
Budan bólek, memleket basshylary uiymnyń damýy men mindetterin aiqyndaityn otyrys ótedi.
Aita keteiik, Shanhai yntymaqtastyq uiymy – 2001 jyly Qazaqstan, Qytai, Resei, Tájikstan, Qyrǵyzstan jáne Ózbekstannyń memleket basshylary negizin qalaǵan halyqaralyq uiym.
