EKSPO-2017 halyqaralyq kórmesine QHR 1000-nan astam energetika salasynda jumys jasap jatqan kásiporyndary qatysady. Al qytai pavilony «jasandy kún» degen ataýmen iadrolyq sintezdiń energetikalyq kózine basymdylyq beredi. Bul týraly Halyqaralyq saýda-sattyqqa járdemdesý jónindegi Qytai komitetiniń (HSJK) tóraǵasy Tszian Tszenveidiń Aspan asty eliniń «Jenmin jibao» gazetinde jariialanǵan maqalasynda aitylǵan, dep habarlaidy «QazAqparat» HAA-niń Qytaidaǵy menshikti tilshisi.
«2017 jylǵy 10 maýsym men 10 qyrkúiek aralyǵynda Astanada (Qazaqstan) halyqaralyq kórme ótedi. Sońǵy jyldary qazaq-qytai qarym-qatynastary joǵary deńgeige kóterildi. «Jibek jolynyń ekonomikalyq beldeýi» men Qazaqstannyń jańa ekonomikalyq saiasaty «Nurly jol» arasynda tiimdi integratsiialyq protsester jolǵa qoiyldy. «Bir beldeý, bir jol» baǵytynda jańa qarym-qatynastardy yntalandyrý qolǵa alynýda», - dep jazady Tszian Tszenvei.
Ol Qytai úkimetiniń Qazaqstannyń EKSPO kórmesin uiymdastyrý bastamasyn qoldap, ol kórmege qatysýǵa erekshe mán berip otyrǵandyǵyn aitty.
Tszian Tszenvei óziniń maqalasynda Qazaqstanda ótetin kórmeniń mańyzdylyǵyn mynadai negizdemelermen ólsheitindigin jetkizedi.
«Birinshiden, Qytai óziniń ekologiia salasyndaǵy tujyrymyn tolyq ashady. Ekinshiden, innovatsiiany damýdaǵy qytailyqtardyń jetistikterin álemge pash etedi. Úshinshiden, energiia resýrstary jáne halyqaralyq óndiris baǵyttaryndaǵy yntymaqtastyqqa serpin beredi... Qytai pavilony Qytai men Qazaqstannyń energetikalyq yntymaqtastyǵy forýmyn uiymdastyrady. Oǵan Beijiń, Shanhai, Shandýn jáne basqa 23 provintsiiasynan myńǵa jýyq kásiporyn keledi», - dedi Tszian Tszenvei.
«Bas-aiaǵy 93 kúnge sozylatyn Astana kórmesinde Qytai álem elderimen birlese otyryp, bolashaq energiiasynyń kúrdeli máselelerin jáne damý bolashaǵyn, energetikalyq qaýipsizdiktiń túitkilderin talqylap, azamzat órkenietin ilgeri jyljytýdyń tyń joldaryn ashýǵa úlesin qosady», - dep túiindeidi Komitet tóraǵasy maqalasynda.
