- Qazaqstannyń týristik qaýymdastyǵynyń direktory Rashida Sháikenovanyń aitýynsha, EKSPO kórmesi kezinde Astana men Almatydan Baiqońyrǵa tikelei áýe reisterin ashý qiyndaý bolady.
Degenmen, búginde týristerdi kólikpen aparyp, zymyran ushyrǵandy kórsetý qyzmeti bar, dep xabarlaidy Ult.kz tishisi QazAqparat agenttigine silteme jasap.
"Búginde biz Baiqońyrmen tyǵyz jumys jasap jatyrmyz. Oǵan Roskosmos ta atsalysýda. Atap aitqanda, Resei ǵarysh ailaǵyna kirýge ruqsat berý merzimin qysqartýǵa kelisim berdi. Qazaqstannyń týristik kompaniialary ishinen osy ruqsatty ala alatyndar irikteldi. Degenmen, basqa kompaniialarǵa úshin shekteý joq. Árine, týrister Baiqońyrǵa zymyran ushyrýdy kórý úshin barǵysy keledi. Sondyqtan búginde biz zymyran ushyrǵanda týristerdi jiberip otyramyz. Alaida kólik salasyndaǵy problemalar da joq emes", - dedi R.Sháikenova QazAqparat tilshisine bergen suxbatynda.
Onyń aitýynsha, buǵan deiin Qazaqstannyń týristik qaýymdastyǵy Almatydan Tóretamǵa (Baiqońyrǵa jaqyn ornalasqan eldi meken - avt.) deiin "Turan" poiyzyn jiberýdi usynǵan bolatyn. Jol-jónekei Taraz ben Shymkent siiaqty qalalarda toqtap, týristerge kórsetýge bolar edi. "Onyń bir jaqsy jeri - ári poiyz ári otel. Onymen Tóretamǵa deiin baryp, ary qarai týristerdi Baiqońyrǵa aparýǵa bolady. Jalpy, EKSPO kezinde týristerge Baiqońyrdy kórsetýge múmkindik bar. Biraq kóliktik logistika syn kótermeidi. Alaida áýe reisteri ashyla ma, joq pa, ol jaǵy áli belgisiz", - dep atap kórsetti uiym basshysy.
Aita keteiik, EKSPO-ny uiymdastyrý men ótkizý jónindegi qoǵamdyq keńes músheleri kórme kezinde Baiqońyrǵa ushatyn «Astana - Baiqońyr-Astana» men «Almaty -Baiqońyr-Almaty» tikelei áýe reisterin ashýdy usynyp otyr. Budan bólek, Baiqońyr ǵarysh ailaǵynda týrizmdi damytý baǵdarlamasyn bekitý sharalaryn shapshańdatý qajet. Osy oraida shetel azamattarynyń ǵarysh ailaǵyna kirýine ruqsat berý merzimin 45 kúnnen 14 kúnge deiin qysqartqan jón.
