Túski 12-ge deiin EKSPO-2017 bas ǵimaraty bolǵan «Nur Álemge» 3 myń adam kelip úlgerdi, dep habarlaidy QazAqparat tilshisi.
Bul týraly «Astana EKSPO-2017» UK Kontent jáne is-sharalar uiymdastyrý departamentiniń direktory Marat Omarov málim etti.
Eske sala ketsek, búgin EKSPO-2017 kórmesi aýmaǵyndaǵy týristik aimaq óz jumysyn bastady. Oǵan arnaiy kelgen QR Premer-Ministri Baqytjan Saǵyntaev «Nur Álemdi» aralady.
«Búgin EKSPO-2017 nysandary týristik aimaq retinde qaita ashyldy jáne túski 12-ge deiin «Nur Álem» ǵimaratyna 3 myń adam keldi. Halyqtyń qyzyǵýshylyǵy áli de basylǵan joq. Olarǵa jańartylatyn energiia kózderi jáne energiia túrleri týraly mol derekter usynyp otyrmyz», - dedi Marat Omarov.
Qaita ashylǵan EKSPO-2017 nysandaryna kelgen halyqtyń qarasy kóp. Buǵan deiin habarlanǵandai, 11-12 qarasha kúnderi Astana turǵyndary men qala qonaqtary EKSPO-2017 kórmesinen qalǵan týristik nysandardy tegin aralai alady jáne 14 qarashadan bastap, kirý quny 1500 teńgeni quraidy.
Sondai-aq, jeltoqsan aiynda EKSPO aýmaǵynda elimizdiń jańajyldyq bas shyrshasy ornatylyp, ásem muz qalashyǵy boi kóteredi jáne aýmaǵy 3500 sharshy metrdi quraityn úlken muz aidyny ashylady.
