QR Úkimetiniń baspasóz ortalyǵynda ótken brifing barysynda Energetika ministrligi janyndaǵy Qoǵamdyq keńestiń Ekologiia jónindegi komissiiasynyń basshysy Saltanat Rahymbekova «Ekspo-2017» halyqaralyq kórmesiniń Qazaqstanda jasyl tehnologiialardy engizý barysyna tigizgen áseri týraly aityp berdi, dep habarlaidy "Ult aqparat".
«Ekspo-2017» kórmesin ótkizý álemniń úzdik tehnologiialaryn bir jerge shoǵyrlandyrýǵa, sonymen qatar otandyq ǵylymnyń áleýetin ashýǵa múmkindik berdi», — dep esepteidi Saltanat Rahymbekova.
Onyń aitýynsha, energiia únemdeý jáne energiia tiimdiligin arttyrý salasynda belgilengen strategiialyq mindetter memlekettik saiasatty anyqtap, qajetti sharalardy qabyldaýǵa múmkindik berdi. Máselen, memlekettik energetikalyq tizim engizildi, zańnamaǵa energiia servistik kelisimder, kásiporyndarda energetikalyq aýdittar júrgizý túsinigi engizildi jáne t.b.
S. Rahymbekova búginde Jasyl ekonomika jáne G-Global-dy damytý koalitsiiasy halyqaralyq kórmeni ótkizýge qoldaý kórsetip, Qazaqstannyń jasyl ekonomikaǵa kóshý tujyrymdamasynyń sharalary men «Jasyl kópir» seriktestik baǵdarlamasyn iske asyrýǵa kómek kórsetý úshin jasyl bastamalar men jobalardyń qomaqty qorjynyn ázirledi. Jalpy, atalǵan jumys balamaly tehnologiialardy dáripteýge, otandyq ǵalymdar men jańalyq ashýshylarǵa qoldaý kórsetýge, demonstratsiialyq alańdar qurýǵa baǵyttalǵan.
Sondai-aq, ol Qazaqstan ekonomikasynyń energiia únemdeý salasynda úlken áleýetke ie ekenin jáne energiia únemdeýshi ári energiia tiimdi sharalardy engizý esebinen tek TKSh salasynyń ózinde resýrstardy tutyný kólemin 40%-ǵa deiin tómendetýge bolatynyn atap ótti.
Mysal retinde ol «Arnasai» ortalyǵy atady, búginde onyń aýmaǵynda 35 «jasyl» tehnologiia aprobatsiialanǵan, sonymen qatar 2014 jyly iske asyrylǵan, sorǵy parkin 100% jańǵyrtý boiynsha «Atyraý sý arnasy» KMK jobasyn aitýǵa bolady.
Aita ketken jón, buǵan deiin QR IDM men «Damý» kásipkerlikti damytý qory» AQ arasynda Qazaqstan Respýblikasyndaǵy BUU Damý baǵdarlamasynyń qarjylyq qoldaýymen, energiia únemdeý máselelerimen ainalysatyn kásipkerlerge qoldaý sharalaryn usyný boiynsha yntymaqtastyq jóninde kelisimge qol qoiylǵan.
«Joǵaryda atalǵandardy qorytyndylai kele, biz «Ekspo-2017» murasyn saqtaý úshin, elimizdiń ekonomikasyna jasyl tehnologiialardy belsendi túrde engizýdiń Jol kartasyn ázirleý qajet dep esepteimiz», — dep sózin túiindedi S. Rahymbekova.
