Astanada EKSPO-2017 kórmesi aiasynda Hainan provintsiiasy kúnine orai baspasóz májilisi ótti.
Baspasóz jiynynda Hainan basshylyǵy ókilderi kórmeniń tanystyrylymy jóninde jáne de týrizmniń damýy, aýyl sharýashylyǵy, ekonomika salasyndaǵy shet eldik investitsiia taqyryptarynda sóz qozǵady.
Konferentsiiaǵa Hainan provintsiiasynyń aýyl sharýashylyǵy basqarmasy, syrtqy saýda-sattyq, sondai-aq týrizm basqarmasy basshylary jáne qytailyq, qazaqstandyq BAQ ókilderi qatysty.
Hainandyq resmi ókilder erteń iaǵni, 14 tamyz kúni Qytai pavilonynda ashylatyn «Hainan provintsiiasy kúni» tóńireginde tolyǵyraq maǵulmat berdi.
Hainan – Qytaidyń ońtústiginde ornalasqan tropikalyq aimaq. Kýrorty aral Qytaidaǵy eń úlken ekonomikalyq ortalyǵy sanalady. Halyqaralyq týrizmniń damýyn atalmysh aimaqpen tikelei bailanystyrýǵa bolady. EKSPO kórmesine kelýshiler Hainannyń ásem tabiǵatymen jáne jańa múmkindikterimen jaqynyraq tanysa alady.
Hainan provintsiiasynyń halyqaralyq saýda-sattyqty damytý komiteti ókili Li Jije erteńgi kórmeniń ashylý baǵdarlamasyna toqtalyp ótti. «Kórme Hainannyń ekonomikalyq, saýda-sattyq damýy men mádeni muralaryn nasihattaý maqsatynda uiymdastyrylyp otyr. Osyndai keleli basqosýlar arqyly Qazaqstan men Qytaidyń yntamaqtastyǵy artyp, qarym-qatynasy nyǵaia túsedi dep oilaimyn. Erteń barshańyzdy kórmeni tamashalaýǵa shaqyramyn», - dedi ol.
Baspasóz májilisinde hainandyq ókilder Qazaqstan men Hainannyń ekonomikalyq bailanysy artyp kele jatqanyn tilge tiek etti. Sondai-aq, Qazaqstannyń Hainan aralyna vizasy kire alatyn birden-bir el ekenin atap ótti.
«Qazaqstan Orta Aziiadaǵy áleýetti elderdiń biri. Biz sizdermen dostyq qarym-qatynasta ekenimizge qýanyshtymyz. Týrizmdi damytý maqsatynda aldaǵy ýaqytta birlese jumystar júrgizemiz degen nietemiz», - deidi týrizmdi damytý salasynyń ókili.
Kórmeniń resmi ashylýy saǵat 10:30-da bastalady. Is-sharaǵa Hainan provintsiiasynyń delegatsiiasy, Qytai pavilonynyń jetekshileri, EKSPO-nyń astanalyq direktsiiasynyń basshylary jáne Qazaqstandaǵy iskerlik orta ókilderi qatysady.
Ashylý saltanaty barysynda Hainan men Qazaqstannyń kásiporyndary arasynda kelissózderge qol qoiylady.
Sonymen qatar, Qytai pavilony aldynda hainandyq ónerpazdardyń qatysýymen arnaiy kontsert uiymdastyrylady. Al, pavilon ishinde azyq-túlik taýarlary qoiylyp, estelik syilyqtar taratylady. Qonaqtar Hainannyń mádeni muralaryn tamashalap, qytai meditsinasynyń ozyq úlgilerimen tanysa alady.
