2018 jyly 5 qazanda Qazaqstan halqyna arnaǵan óziniń jyl saiynǵy Joldaýynda Qazaqstan Prezidenti Nursultan Nazarbaev Qazaqstan Respýblikasynyń Úkimetine «qarapaiym zattar ekonomikasyn» damytýǵa jáne eksportqa baǵyttalǵan indýstriialandyrýǵa baǵdarlanǵan tiimdi ónerkásiptik saiasatty iske asyrýǵa basa kóńil bólýdi tapsyrdy. Bul týraly QR Premer-Ministriniń baspasóz qyzmeti habarlady.
Atalǵan mindetti iske asyrý úshin indýstriialandyrý saiasatyn júrgizý jáne qoldaý quraldaryn shoǵyrlandyrý maqsatynda QR Úkimeti indýstriiany damytý, jergilikti qamtý jáne tehnologiialyq damý salasyndaǵy úsh ulttyq damý institýtynyń fýnktsiialary «Qazaqstandyq indýstriiany damytý institýty» AQ bazasyndaǵy Biryńǵai ónerkásiptik damý ortalyǵyna biriktiriletin bolady.
Qaita qurý kezinde institýttardyń biýdjettik shyǵyndary men shtattyq qurylymy ońtailandyrylady.
Bolashaq ortalyqqa júkteletin mindetterdi oryndaý úshin biyl 8 qazanda «QIDI» Direktorlar keńesiniń sheshimimen Dana Júnisova jańa basqarma tóraǵasy bolyp sailandy.
Dana Júnisova 1985 jyly Tselinograd qalasynda dúniege kelgen. 2006 jyly T. Rysqulov atyndaǵy Qazaq ekonomikalyq ýniversitetin támamdaǵan. Mamandyǵy boiynsha — ekonomist.
Eńbek jolyn «QTJ» UK, «Astana–Finans» AQ, «2011 jylǵy 7-qysqy Aziia oiyndaryn uiymdastyrý komitetiniń atqarýshy direktsiiasy» AQ, sondai-aq jeke sektorda jumys istep bastaǵan.
2012–2015 jyldary — QR «Atameken» UKP Tarif qalyptastyrý departamenti direktorynyń orynbasary, Ekonomikalyq integratsiia departamenti direktorynyń orynbasary, Ónerkásiptik jáne investitsiialyq saiasat departamentiniń direktory, Ekonomikalyq integratsiia departamentiniń basqarýshy direktory qyzmetterin atqardy.
2016–2018 jyldar aralyǵynda QR «Atameken» ulttyq kásipkerler palatasynyń basqarma tóraǵasynyń orynbasary bolyp eńbek etti.
2018 jylǵy sáýirde QR ulttyq ekonomika vitse-ministri bolyp taǵaiyndaldy.
2018 jylǵy qyrkúiekten bastap QR Premer-Ministriniń keńesshisi qyzmetin atqardy.
Eýraziialyq ekonomikalyq odaqqa múshe memleketter Basshylarynyń «Eýraziialyq ekonomikalyq odaqty qurýǵa qosqan úlesi úshin» II dárejeli medalimen, memlekettik jáne qoǵamdyq qyzmettegi eńbegi, elimizdiń áleýmettik-ekonomikalyq jáne mádeni damýyna, dostyq pen yntymaqtastyqty nyǵaitýǵa qosqan eleýli úlesi úshin Qazaqstan Respýblikasy Prezidentiniń qurmet gramotasymen marapattalǵan.
