Foto: Bas prokýratýra
Eks-sheneýnik Qazaqstanǵa ekstraditsiialandy, dep habarlaidy "Ult aqparat" Bas prokýratýranyń baspasóz qyzmetine silteme jasap.
"15 maýsym Grýziianyń ádilet ministrligi laýazymdyq quzyretin asyra paidalanǵany jáne 50 mln. tengeden astam biýdjet qarajatyn ysyrap qylǵany úshin kúdikti dep tanylǵan Taraz qalasy ákiminiń burynǵy orynbasaryn ustap berý týraly Qazaqstan Respýblikasy Bas prokýratýrasynyń suraý salýyn qanaǵattandyrdy" - delingen habarlamada.
Kúdikti qylmys jasaǵannan keiin qylmystyq qýdalaý organynan boi tasalaǵan, sondyqtan oǵan qatysty halyqaralyq izdeý jariialanǵan. Qabyldanǵan sharalardyń nátijesinde izdeýde júrgen tulǵa Grýziiada anyqtalyp, ustalǵan.
"Grýziialyq áripestermen aradaǵy tyǵyz qarym-qatynastyń nátijesinde búgin Bas prokýratýra, Sybailas jemqorlyqqa qarsy is-qimyl agenttiginiń qyzmetkerleri QR Syrtqy ister ministrliginiń kómegimen kúdiktini qylmystyq jaýapqa tartý úshin Qazaqstanǵan ákeldi.
Qazirgi ýaqytta ol Astana qalasynyń tergeý izoliatoryna qamaldy" - delingen vedomstvo habarlamasynda.
Joǵaryda kórsetilgen qylmystardy jasaǵany úshin oǵan 12 jylǵa deiin bas bostandyǵynan aiyrý jazasy taǵaiyndalýy múmkin.
