Sport jáne týrizm ministriniń burynǵy basshysy Temirhan Dosmuhambetovtiń úiin tonady degen is boiynsha úsh adam sottaldy. Úsh qylmyskerge alty jáne jeti jylǵa deiin bas bostandyǵynan aiyrý jazasy taǵaiyndaldy, - dep habarlaidy Tengrinews.kz tilshisi Almaty qalalyq sotynyń baspasóz qyzmetine silteme jasap.
Sottyń málimetinshe, qylmyskerler eks-basshydan úsh million dollar men 50 myń eýro qarjy somasyn urlap ketken. Sondai-aq, olar Dosmuhambetovke tiesili zattardan 50 million teńge men qol saǵatyn da urlaǵan.
"Bul is boiynsha úsh adam aiypty dep tanyldy. Bostandyq aýdandyq №2 qylmystyq ister jónindegi soty J. esimdi qylmyskerdi Qazaqstan Respýblikasy Qylmystyq kodeksiniń 188-baby 4-tarmaǵynyń 3) tarmaqshasynda ("Urlyq" - avtor.) kináli dep tanydy. Oǵan alty jyl segiz aiǵa bas bostandyǵynan aiyrý jazasy qoldandy.
M. sol kodekske uqsas zań boiynsha sottaldy. Úshinshi qylmysker sol kodekspen jeti jylǵa sottalyp, qylmystyq-atqarýshy júiesinde maksimaldy túrde qaýipsizdigin qamtamasyz etetin mekemede jazasyn óteidi" , - dep habarlady baspasóz qyzmetindegiler.
Sheshim zańdy kúshine engen joq.
Politsiia qyzmetkerleriniń paiymdaýynsha, 2017 jyldyń jaz aiynda azamat Dosmuhambetovtiń úiine belgisiz adamdar Daewoo Nexia markaly avtokólikpen kirgen. Kólikten birneshe adam shyqqan. Araǵa birer minýt salyp, urylar úiden aqsha men saǵatty shyǵaryp alǵan. Shabýylshylar turǵyn úige kirip, jatyn bólmede ornalasqan metalldy seifti buzǵan.
