Foto: facebook.com/Guma1224
Burynǵy densaýlyq saqtaý ministri Eljan Birtanov jańa qyzmetke taǵaiyndaldy. Bul týraly Qazaqstan kásipodaqtar federatsiiasy media ortalyǵynyń direktory Gúlmira Qarakózova málimdedi, - dep habarlaidy Tengrinews.kz saity.
Qarakózovanyń aitýynsha, 13 naýryzda Kásipodaqtar federatsiiasynyń keńsesinde QazMed respýblikalyq salalyq meditsina qyzmetkerleriniń kásipodaq uiymy tóraǵasynyń jańa keńesshisi tanystyrylǵan. Ol - Eljan Birtanov.
QazMed tóraǵasy Áliakpar Mátishev meditsina qyzmetkerleri áleýmettik áriptestikti damytýda úlken tájiribesi bar Eljan Birtanovqa úlken úmit artyp otyrǵanyn atap ótti.
Áriptesteri aldynda sóilegen sózinde Birtanov meditsina qaýymynyń múddesin ilgeriletý úshin bar tájiribesi men bilimin jumsaitynyn aitqan.
"Meditsina qyzmetkerlerin áleýmettik qorǵaý máselelerinde kásipodaqtyń róli mańyzdy. Densaýlyq saqtaý salasynda áleýmettik seriktestermen birlesip sheshýge tiis máseleler áli de bar: meditsina qyzmetkeri mártebesin, meditsinalyq mekemelerdi kadrlyq qamtamasyz etýdi, jas mamandardy jumysqa ornalastyrýdy, áleýmettik qoldaýdy zańnamalyq turǵydan aiqyndaý. Memleket basshysy Qasym-Jomart Toqaevtyń meditsina qyzmetkerleriniń laiyqty eńbekaqysyn qamtamasyz etý jónindegi tapsyrmalaryn oryndaýdy birge jalǵastyrý qajet. Salalyq kelisimge ózgerister engizý jumysy tur", - dedi Qarakózova Eljan Birtanovtyń sózin bólisip.
