Foto: Ortalyq kommýnikatsiialar qyzmeti
Bas prokýrordyń orynbasary Áset Shyndaliev eks-ministr Marat Beketaevtyń ustalýyna qatysty pikir bildirdi, - dep habarlaidy "Ult aqparat".
Qazirgi kezde Beketaevqa qatysty qyzmettik ókilettigin asyra paidalaný baby boiynsha qylmystyq is qozǵalǵan.
"Shynymen de, eks-ministr Marat Beketaev elden qashpaq bolǵanda ustaldy. Ózge aqparat sotaldy tergep-tekserý deregi bop esepteledi. Ózderińiz biletindei, qylmystyq-protsestik kodekske sáikes, sotaldy tergep-tekserý deregi jariia etýge jatpaidy", - dedi Shyndaliev Senatta ótken brifingte.
Al jýrnalisterdiń "Eks-ministr áýejaida ustaldy ma?" degen suraǵyna Bas prokýrordyń orynbasary aldymen "Iá" dep jaýap berdi. Biraq artynan "Naqty aita almaimyn. Áýejai týraly men de sizder siiaqty buqaralyq aqparat quraldarynan oqydym" dedi.
Onyń aitýynsha, buǵan deiin kúdiktiniń zańsyz áreketteri boiynsha tekseris júrgizilgen. Sonyń nátijesinde, anyqtalǵan derekter aiasynda qylmystyq is qozǵaýǵa sheshim qabyldanǵan.
Aita keteiik, ótken demalys kúnderi sybailas jemqorlyqqa qarsy qyzmet eks-ministrdiń ustalǵany týraly aqparat taratty. Biraq aty-jónin jariialamady. Al keiin onyń Marat Beketaev ekenin rastady.
video: Tengrinews.kz
