Foto: ©El.kz/Ravil AShYǴALI
Astana qalasynda Ulttyq mýzeidiń burynǵy direktory Arystanbek Muhamediulynyń ústinen qozǵalǵan qylmystyq is boiynsha sot úkimi shyqty, dep habarlaidy "Ult aqparat".
Sot sheshimi boiynsha Muhamediuly 8 jylǵa bas bostandyǵynan aiyryldy. Ol jazasyn qaýipsizdigi ortasha mekemede óteidi.
«Arystanbek Muhamediuly Qylmystyq kodekstiń 28-baby 3-bóligi jáne 189-baby 4-bóligi 2-tarmaǵy boiynsha quqyq buzýshylyq jasaǵany úshin kináli dep tanylyp, 8 jylǵa bas bostandyǵynan aiyrý jazasy taǵaiyndalsyn», - dedi sýdia Baǵlan Ydyrysov.
Sondai-aq Ulttyq mýzeidiń burynǵy direktory osyǵan deiin alǵan memlekettik nagradalary men berilgen ataq-dárejelerin keri qaitarady.
«Prezidentke Arystanbek Muhamediulyna berilgen «QR Eńbegi sińgen qairatkeri» ataǵy, sonymen qatar «Qurmet» jáne «Parasat» ordeninen aiyrý týraly usynys berilsin», - dedi úkimdi oqyǵan sýdia.
Eks-ministr sot sheshimimen ómir boiyna memlekettik qyzmette, jergilikti ózin-ózi basqarý organdarynda qyzmet atqarý quqyǵynan aiyryldy.
Sondai-aq úkimde Muhamediulynyń dúnie-múlki tárkilenbeitini aitylǵan.
Buǵan deiin prokýror Muhamediulyn toǵyz jylǵa bas bostandyǵyn aiyrýdy suraǵan bolatyn.
Eske salaiyq, Arystanbek Muhamediuly 2022 jyldyń 28 mamyrynda qamaýǵa alynǵan.
Tergeý «Altyn adamnyń álem murajailary boiynsha sherýi» halyqaralyq kórmesin ótkizýge, sondai-aq «Qazaqstannyń ulttyq kieli nysandary men mýzei qorlaryn jalpymemlekettik fotogrammetriialyq 3D-skanerleý» jáne «Qazaqstan Respýblikasynyń Ulttyq tsifrlyq kinokollektsiiasyn tsifrlandyrý» jobalaryna bólingen biýdjet qarajatyn urlaý faktileri boiynsha júrgizildi. Budan basqa A. Muhamediulynyń Mádeniet jáne sport ministri laýazymynda bolǵan kezinde týystarynyń jáne úlestes tulǵalarynyń menshigine «Sý jáne qoldanbaly sport túrleri boiynsha respýblikalyq joǵary sport sheberligi mektebi» RMQK, «Qazaq entsiklopediiasy» AQ jáne «Qazaq ǵylymi-zertteý mádeniet institýty» JShS zańsyz berýge qatystylyǵy tekserildi.
