Arystanbek Muhamediulyna asa iri kólemde para alýǵa árekettendi, onyń áieli Ysqaqova para alýda deldaldyq jasady, advokat Mustahim Tóleev asa iri kólemde alaiaqtyq jasady dep aiyptaldy, dep habarlaidy "Ult aqparat".
Astana qalasynyń qylmystyq ister jónindegi mamandandyrylǵan aýdanaralyq soty burynǵy ministr men onyń sybailastaryna qatysty úkim shyǵardy.
"Sot úkimimen M. asa iri mólsherde para berýge oqtalǵany úshin kináli dep tanylyp, Qylmystyq kodekstiń 58-babynyń 3 jáne 6-bólikteri negizinde, 20.06.2023 jylǵy Astana qalasynyń qylmystyq ister jónindegi aýdanaralyq sotynyń úkimimen taǵaiyndalǵan qatań jazany neǵurlym qatań jazaǵa sińirý jolymen qylmystyq quqyq buzýshylyqtar jiyntyǵy boiynsha ómir boiyna memlekettik qyzmette laýazymdardy atqarýǵa tyiym salyna otyryp, 11 jylǵa bas bostandyǵynan aiyryldy", –delingen sot úkiminde.
Budan bólek, onyń jubaiy Ǵaliia Ysqaqova paraqorlyqqa deldaldyq jasaǵany úshin kináli dep tanylyp (QK 368-babynyń 1-bóligi), ómir boiy memlekettik qyzmette qyzmet atqarýǵa tyiym salynyp, 6 aiǵa bas bostandyǵynan aiyryldy.
Sot úkimi boiynsha A.Muhamediulynyń advokaty Mustahim Tóleev asa iri mólsherde alaiaqtyq jasaǵany úshin kináli dep tanylyp (QK 190-baby 4-bóliginiń 2) tarmaǵy), 10 jyl merzimge advokattyq qyzmetpen ainalysý quqyǵynan aiyryla otyryp, 6 jyl 8 aiǵa bas bostandyǵynan aiyryldy.
Úkim zańdy kúshine engen joq.
Sot dereginshe, 2022 jyldyń jeltoqsanynda tergeý izoliatorynda jatqan Muhamediuly qamaýdan bosap, "Diplomat" qonaq úiin menshiginde qaldyrǵysy kelgen.
2022 jyldyń jeltoqsanynda burynǵy ministrdiń áieli Tóleevke "Diplomat" qonaq úiiniń máselesi oń sheshilgeni úshin 140 myń dollar bergen;
2023 jyldyń qańtarynda ol bultartpaý sharasyn ózgertý úshin taǵy 120 myń dollar aýdarǵan;
2023 jyldyń sáýir aiynda ol kúieýiniń jazasyn jeńildetkeni úshin Tóleevke taǵy 100 myń dollar aýdarǵan;
2023 jyldyń maýsym aiynda ol uly arqyly advokatqa 27 million teńge jáne 40 myń dollar aýdarǵan.
Buǵan deiin, eks-ministr 8 jylǵa sottalǵan edi. Qosymsha 3 jyl qosylyp, jalpy 11 jylǵa sottaldy.
