Foto: ashyq derekkóz
Astanada balalardy statsionarǵa qabyldaý talaptary qatańdatyldy. Budan bylai aýrýhanaǵa tek qyzylshaǵa qarsy vaktsinasy bar balalar ǵana jatqyzylady. Bul sheshimdi qalanyń bas memlekettik sanitariialyq dárigeri bekitti, dep habarlaidy Ult.kz Qaz365.kz saityna silteme jasap.
Qaýly qyzylsha derekteriniń kúrt kóbeiýine bailanysty qabyldanǵan. 6–28 qańtar aralyǵynda elordada 403 rastalǵan jaǵdai tirkelip, bul aidyń alǵashqy aptasyndaǵy kórsetkishten shamamen úsh ese joǵary bolǵan.
Aýrý juqtyrǵandardyń kóbi – ekpe almaǵan balalar. Onyń ishinde 257 jaǵdaida ata-analar vaktsinatsiiadan bas tartqan, 112 bala jas ereksheligine bailanysty ekpe ala almaǵan. Taǵy 9 derekte josparly vaktsina ýaqytynda salynbaǵan, al 7 balaǵa meditsinalyq qarsy kórsetilim bolǵan.
Qujatqa sáikes, 18 jasqa deiingi balalar men jasóspirimderdiń ekpemen qamtylý deńgeii qaita tekserilip, ata-analardyń kelisimimen qosymsha vaktsinatsiia júrgiziledi. Sonymen qatar 55 jasqa deiingi meditsina qyzmetkerleriniń de vaktsina mártebesi baǵalanady. Al 6–10 ailyq sábilerge qosymsha ekpe salý josparlanǵan.
Bilim berý mekemeleriniń basshylaryna kún saiyn balalardyń densaýlyǵyn baqylaý mindeti júkteldi. Aýrý belgileri baiqalǵan oqýshylar ata-analary kelgenshe oqshaýlanyp, qajet bolǵan jaǵdaida aýrýhanaǵa jiberiledi. Al profilaktikalyq ekpesi joq balalardy ujymǵa qabyldaý tek ujymdyq immýnitet deńgeii keminde 90 paiyz bolǵan jaǵdaida ǵana múmkin.
