فوتو: اشىق دەرەككٶز
استانادا بالالاردى ستاتسيونارعا قابىلداۋ تالاپتارى قاتاڭداتىلدى. بۇدان بىلاي اۋرۋحاناعا تەك قىزىلشاعا قارسى ۆاكتسيناسى بار بالالار عانا جاتقىزىلادى. بۇل شەشٸمدٸ قالانىڭ باس مەملەكەتتٸك سانيتارييالىق دەرٸگەرٸ بەكٸتتٸ, دەپ حابارلايدى Ult.kz Qaz365.kz سايتىنا سٸلتەمە جاساپ.
قاۋلى قىزىلشا دەرەكتەرٸنٸڭ كٷرت كٶبەيۋٸنە بايلانىستى قابىلدانعان. 6–28 قاڭتار ارالىعىندا ەلوردادا 403 راستالعان جاعداي تٸركەلٸپ, بۇل ايدىڭ العاشقى اپتاسىنداعى كٶرسەتكٸشتەن شامامەن ٷش ەسە جوعارى بولعان.
اۋرۋ جۇقتىرعانداردىڭ كٶبٸ – ەكپە الماعان بالالار. ونىڭ ٸشٸندە 257 جاعدايدا اتا-انالار ۆاكتسيناتسييادان باس تارتقان, 112 بالا جاس ەرەكشەلٸگٸنە بايلانىستى ەكپە الا الماعان. تاعى 9 دەرەكتە جوسپارلى ۆاكتسينا ۋاقىتىندا سالىنباعان, ال 7 بالاعا مەديتسينالىق قارسى كٶرسەتٸلٸم بولعان.
قۇجاتقا سەيكەس, 18 جاسقا دەيٸنگٸ بالالار مەن جاسٶسپٸرٸمدەردٸڭ ەكپەمەن قامتىلۋ دەڭگەيٸ قايتا تەكسەرٸلٸپ, اتا-انالاردىڭ كەلٸسٸمٸمەن قوسىمشا ۆاكتسيناتسييا جٷرگٸزٸلەدٸ. سونىمەن قاتار 55 جاسقا دەيٸنگٸ مەديتسينا قىزمەتكەرلەرٸنٸڭ دە ۆاكتسينا مەرتەبەسٸ باعالانادى. ال 6–10 ايلىق سەبيلەرگە قوسىمشا ەكپە سالۋ جوسپارلانعان.
بٸلٸم بەرۋ مەكەمەلەرٸنٸڭ باسشىلارىنا كٷن سايىن بالالاردىڭ دەنساۋلىعىن باقىلاۋ مٸندەتٸ جٷكتەلدٸ. اۋرۋ بەلگٸلەرٸ بايقالعان وقۋشىلار اتا-انالارى كەلگەنشە وقشاۋلانىپ, قاجەت بولعان جاعدايدا اۋرۋحاناعا جٸبەرٸلەدٸ. ال پروفيلاكتيكالىق ەكپەسٸ جوق بالالاردى ۇجىمعا قابىلداۋ تەك ۇجىمدىق يممۋنيتەت دەڭگەيٸ كەمٸندە 90 پايىز بولعان جاعدايدا عانا مٷمكٸن.
