Ulttyq ekonomika ministri Rýslan Dálenov el ekonomikasynda shaǵyn jáne orta biznes úlesin arttyrý boiynsha josparmen bólisti, dep habarlaidy QazAqparat.
«2019 jyly JIÓ-da shaǵyn jáne orta biznes úlesi 30,8 paiyz boldy. 2015 jyly bul kórsetkish 24,9 paiyz edi. Bizdiń maqsat – shaǵyn jáne orta biznestiń ekonomikadaǵy úlesin 2025 jyly 35 paiyzǵa jetkizý. Bizneske tartylǵandar sany jyl saiyn artyp keledi. Búginde bul salada 3,4 mln adam qyzmet etýde», - dedi ministr onlain rejimde halyq aldynda esep berý barysynda.
Onyń aitýynga, básekelestik úshin jaǵdai jasaý baǵytynda ministrlik júieli sharalar qolǵa alǵan. Osy oraida naryqta biznes jumysy úshin kedergilerdi joiý jáne memlekettik qatysý úlesin tómendetý eskerilgen. Básekelestikti damytýǵa kedergi keltiretin zańnamalyq normalarǵa reviziianyń ekinshi kezeńi júrgizildi.
