Úkimet basshysy Asqar Mamin ulttyq ekonomikanyń ósý serpinin «senimdi» dep baǵalady. Bul týraly ol Úkimet otyrysynda aitty, dep habarlaidy QazAqparat.
«Ulttyq ekonomikada senimdi ósý serpini baiqalady. Toǵyz aidyń qorytyndysy boiynsha jalpy ishki ónimniń ósimi 3,4 paiyzǵa deiin qarqyn aldy. Ekonomika damýynyń negizgi draiveri naqty sektordaǵy óndiristiń turaqty ósýi boldy.
Óńdeý ónerkásibiniń kólemi 5,7 paiyzǵa ósti. Sonyń ishinde, mashina jasaýda 22,8, avtomobil qurylysynda 31,6 paiyz, lokomotivter men vagondar óndirisinde 50,5, qurylys materialdarynda 10,1, farmatsevtikada 38,1, plastmassa buiymdary óndirisinde 31,4, kiim óndirisinde 14, jihazda 14,9, daiyn metal buiymdaryn shyǵarýda 17,2 paiyz ósim baiqalady», - degen Premer-Ministr, qyzmet kórsetý sektory da karantindik shekteýlerdiń azaiýiyna bailanysty senimdi túrde qalpyna kelip jatqanyn eske saldy.
«Qazir qyzmet kórsetý sektory saýda men bailanystaǵy joǵary ósý qarqyny esebinen 2,9 paiyzdy qurady», - dedi Úkimet basshysy.
