ٷكٸمەت باسشىسى اسقار مامين ۇلتتىق ەكونوميكانىڭ ٶسۋ سەرپٸنٸن «سەنٸمدٸ» دەپ باعالادى. بۇل تۋرالى ول ٷكٸمەت وتىرىسىندا ايتتى, دەپ حابارلايدى قازاقپارات.
«ۇلتتىق ەكونوميكادا سەنٸمدٸ ٶسۋ سەرپٸنٸ بايقالادى. توعىز ايدىڭ قورىتىندىسى بويىنشا جالپى ٸشكٸ ٶنٸمنٸڭ ٶسٸمٸ 3,4 پايىزعا دەيٸن قارقىن الدى. ەكونوميكا دامۋىنىڭ نەگٸزگٸ درايۆەرٸ ناقتى سەكتورداعى ٶندٸرٸستٸڭ تۇراقتى ٶسۋٸ بولدى.
ٶڭدەۋ ٶنەركەسٸبٸنٸڭ كٶلەمٸ 5,7 پايىزعا ٶستٸ. سونىڭ ٸشٸندە, ماشينا جاساۋدا 22,8, اۆتوموبيل قۇرىلىسىندا 31,6 پايىز, لوكوموتيۆتەر مەن ۆاگوندار ٶندٸرٸسٸندە 50,5, قۇرىلىس ماتەريالدارىندا 10,1, فارماتسەۆتيكادا 38,1, پلاستماسسا بۇيىمدارى ٶندٸرٸسٸندە 31,4, كيٸم ٶندٸرٸسٸندە 14, جيھازدا 14,9, دايىن مەتال بۇيىمدارىن شىعارۋدا 17,2 پايىز ٶسٸم بايقالادى», - دەگەن پرەمەر-مينيستر, قىزمەت كٶرسەتۋ سەكتورى دا كارانتيندٸك شەكتەۋلەردٸڭ ازايۋيىنا بايلانىستى سەنٸمدٸ تٷردە قالپىنا كەلٸپ جاتقانىن ەسكە سالدى.
«قازٸر قىزمەت كٶرسەتۋ سەكتورى ساۋدا مەن بايلانىستاعى جوعارى ٶسۋ قارقىنى ەسەبٸنەن 2,9 پايىزدى قۇرادى», - دەدٸ ٷكٸمەت باسشىسى.
