Búgin Úkimet otyrysynda Óńirlerdi damytýdyń 2020-2025 jyldarǵa arnalǵan memlekettik baǵdarlamasynyń jobasyn tanystyrǵan Ulttyq ekonomika ministri Rýslan Dálenov aitty aldaǵy alty jylda 7 mln adam turatyn 3 477 aýyl jańǵyrtylatynyn aitty, – dep habarlaidy «Ult aqparat».
«Aýyl – el besigi» jobasy aiasynda aýyl turǵyndarynyń 90 paiyzy nemese 7 mln adam turatyn 3 477 aýyl jańǵyrtylady. Olar sapaly infraqurylymǵa qol jetkizetin bolady. Bul: sý, jaryq, jylý, jol jelileri, mektepter, aýrýhanalar jáne basqalar. Aýyldaǵy ómir jaqsaryp, tartymdylyǵy artady. Bul aýyl turǵyndarynyń ómir súrý sapasyn arttyrýǵa áser etedi» dedi ol.
Ministrdiń atýynsha, baǵdarlama aiasynda qarjylandyrý bazalyq injenerlik infraqurylymǵa jáne áleýmettik nysandarǵa baǵyttalady. Memlekettik jáne jergilikti baǵdarlamalardy qarjylandyrý halyq úshin qolaily jaǵdailar jasaýǵa jumsalatyn bolady.
«Qalalarda basqarylatyn ýrbandalý arqyly aýqymdy naryq damidy jáne eńbek resýrstarynyń mobildigi úshin jaǵdailar jasalady. Innovatsiialyq tehnologiialar damityn bolady. Aýyldarda shamamen 7 mln aýyl turǵyndarynyń ómir súrý sapasy jaqsarady. Adamdar sapaly aýyz sýmen qamtamasyz etiletin bolady. Aýyldardyń aýdan jáne oblys ortalyqtarymen kóliktik bailanysy jaqsarady. Óńirlik standarttar júiesi arqyly qalalar men aýyldardy damytý protsesin júielendirý halyqtyń ómir súrý jaǵdailaryn sapaly túrde jaqsartýǵa múmkindik beredi» dedi Rýslan Dálenov.
Onyń aitýynsha, baǵdarlamany júzege asyrýǵa barlyǵy 1,3 trln teńge bólý kózdeledi. Onyń ishinde aýyldardy damytýǵa 2026 jylǵa deiin 900 mlrd teńge bólý týraly másele qosymsha pysyqtalyp jatyr.
«Ýrbandalý deńgeiin 62 paiyzǵa deiin jetkizý josparlanady. Ýrbandalý jalpy ishki ónimdi 0,52 protsentke qosymsha arttyrýǵa múmkindik beredi. Óńirlik teńsizdikter qysqarady. Halyqtyń naqty aqshalai tabystary 25 paiyzǵa ósedi. Baǵdarlamanyń negizgi nátijesi qalalarda, aýdan ortalyqtarynda jáne aýyldarda turatyn azamattardyń ál-aýqatyn arttyrý bolady. Resýrstar men infraqurylymdy shoǵyrlandyrý eldiń ekonomikalyq ósimin kúsheitedi» dedi Rýslan Dálenov.
