Ekonomika boiynsha Nobel atyndaǵy syilyq amerikalyq ekonomister - Abhidjit Banerdji men Maikl Kremerge jáne frantsýz-amerika zertteýshisi Ester Diýfloǵa berildi. Aqparat dúisenbide, Stokgolmnen tarady.
Bul syilyq olarǵa jahandyq kedeishilikpen kúreske jańa ádis-tájiribe engizgeni úshin berildi.
Úndistannan shyqqan Banerdji - Massachýsets tehnologiia institýtynyń professory. Diýflo da sol institýtta jumys isteidi, ol - Banerdjidiń áieli ári burynǵy aspiranty. Kremer – kedeishilikpen kúrestegi innovatsiia institýtynyń (Konnektikýt) ǵylymi keńesshisi.
Shvetsiia banki taǵaiyndaǵan ekonomika salasyndaǵy bul syilyq 1969 jyldan bastap beriledi. Ol resmi túrde "Nobel syilyǵy" dep atalmaidy, "ekonomika salasy boiynsha Alfred Nobel atyndaǵy syilyq" dep atalady. Osy syilyqtyń laýreattary jariialanǵannan keiin Nobel aptasy resmi túrde aiaqtalady.
