Almaty búginde elimizdegi aýasy eń las qalalardyń qatarynda. Ekologtar osylaisha dabyl qaǵýda, dep habarlaidy QazAqparat.
Sondyqtan olar qorshaǵan ortaǵa zalal keltirgen nysandardy anyqtap, shara qoldaný qajet dep esepteidi.
Osy keleńsiz jaǵdaiǵa arnalǵan jiynda megapolistegi ekologiialyq jaǵdai máseleleri talqylanyp, ekologiiany jaqsartýdyń tiimdi tetikteri qaraldy. Ekologiia salasyndaǵy sarapshylar men belsendiler aýany lastaý kózderiniń máselelerin kóterdi.
«Zelenoe spasenie» ekologiialyq qoǵamynyń jetekshisi Sergei Kýratovtyń aitýynsha, qaladaǵy ekologiialyq jaǵdaidy zań júzinde sheshý qajet. Óitkeni úlken óndiristik kásiporyndar men shaǵyn biznes ieleri ekologiialyq–sanitarlyq talaptardy saqtamaidy. Sonyń saldarynan eń aldymen adamdar zardap shegedi.
«Bizdiń qoǵamǵa Almatydaǵy «Qairat» yqshamaýdanynyń turǵyndary shaǵymdandy. Olardyń úileriniń janynan úlken avtobýs parki ashylypty. Bir qaraǵanda qalypty jaǵdai siiaqty. Qoǵamdyq kólik qalaǵa qajet. Másele mynada. Qoldanystaǵy zańǵa sáikes, avtopark aýany lastaityn quraldardyń qataryna jatady. Sondyqtan bul turaq úilerden kem degende 300 metr qashyqtyqta ornalasýy tiis. Al bul avtobýs parki men turǵyn úidiń arasy nebári 10 metr. Tańerteń qoǵamdyq kólikterdi otaldyra bastaǵanda jan- jaǵyn qara tútin basady. Osyǵan orai biz qaladaǵy barlyq jaýapty jáne quzyrly mekemelerge túsinikteme berýlerin suradyq. Ókinishke orai, kúni búginge deiin mardymdy jaýap almadyq», - deidi Sergei Kýratov.
Onyń aitýynsha, Qazaqstannyń ekologiia týraly zańyn oryndaý deńgeii de kóńil kónshitpeidi. Bul osylai jalǵasa beretin bolsa qalamyzdyń ekologiialyq jaǵdaidyn qalpyna keltirý ońaiǵa soqpaidy.
Sharaǵa qatysýshylar aýanyń ártúrli kózdermen lastaný deńgeiin azaitý úshin barlyq baǵyttar boiynsha keshendi jumys júrgizý qajet ekenin aitty.
