الماتى بٷگٸندە ەلٸمٸزدەگٸ اۋاسى ەڭ لاس قالالاردىڭ قاتارىندا. ەكولوگتار وسىلايشا دابىل قاعۋدا, دەپ حابارلايدى قازاقپارات.
سوندىقتان ولار قورشاعان ورتاعا زالال كەلتٸرگەن نىسانداردى انىقتاپ, شارا قولدانۋ قاجەت دەپ ەسەپتەيدٸ.
وسى كەلەڭسٸز جاعدايعا ارنالعان جيىندا مەگاپوليستەگٸ ەكولوگييالىق جاعداي مەسەلەلەرٸ تالقىلانىپ, ەكولوگييانى جاقسارتۋدىڭ تيٸمدٸ تەتٸكتەرٸ قارالدى. ەكولوگييا سالاسىنداعى ساراپشىلار مەن بەلسەندٸلەر اۋانى لاستاۋ كٶزدەرٸنٸڭ مەسەلەلەرٸن كٶتەردٸ.
«زەلەنوە سپاسەنيە» ەكولوگييالىق قوعامىنىڭ جەتەكشٸسٸ سەرگەي كۋراتوۆتىڭ ايتۋىنشا, قالاداعى ەكولوگييالىق جاعدايدى زاڭ جٷزٸندە شەشۋ قاجەت. ٶيتكەنٸ ٷلكەن ٶندٸرٸستٸك كەسٸپورىندار مەن شاعىن بيزنەس يەلەرٸ ەكولوگييالىق–سانيتارلىق تالاپتاردى ساقتامايدى. سونىڭ سالدارىنان ەڭ الدىمەن ادامدار زارداپ شەگەدٸ.
«بٸزدٸڭ قوعامعا الماتىداعى «قايرات» ىقشاماۋدانىنىڭ تۇرعىندارى شاعىمداندى. ولاردىڭ ٷيلەرٸنٸڭ جانىنان ٷلكەن اۆتوبۋس پاركٸ اشىلىپتى. بٸر قاراعاندا قالىپتى جاعداي سيياقتى. قوعامدىق كٶلٸك قالاعا قاجەت. مەسەلە مىنادا. قولدانىستاعى زاڭعا سەيكەس, اۆتوپارك اۋانى لاستايتىن قۇرالداردىڭ قاتارىنا جاتادى. سوندىقتان بۇل تۇراق ٷيلەردەن كەم دەگەندە 300 مەتر قاشىقتىقتا ورنالاسۋى تيٸس. ال بۇل اۆتوبۋس پاركٸ مەن تۇرعىن ٷيدٸڭ اراسى نەبەرٸ 10 مەتر. تاڭەرتەڭ قوعامدىق كٶلٸكتەردٸ وتالدىرا باستاعاندا جان- جاعىن قارا تٷتٸن باسادى. وسىعان وراي بٸز قالاداعى بارلىق جاۋاپتى جەنە قۇزىرلى مەكەمەلەرگە تٷسٸنٸكتەمە بەرۋلەرٸن سۇرادىق. ٶكٸنٸشكە وراي, كٷنٸ بٷگٸنگە دەيٸن ماردىمدى جاۋاپ المادىق», - دەيدٸ سەرگەي كۋراتوۆ.
ونىڭ ايتۋىنشا, قازاقستاننىڭ ەكولوگييا تۋرالى زاڭىن ورىنداۋ دەڭگەيٸ دە كٶڭٸل كٶنشٸتپەيدٸ. بۇل وسىلاي جالعاسا بەرەتٸن بولسا قالامىزدىڭ ەكولوگييالىق جاعدايدىن قالپىنا كەلتٸرۋ وڭايعا سوقپايدى.
شاراعا قاتىسۋشىلار اۋانىڭ ەرتٷرلٸ كٶزدەرمەن لاستانۋ دەڭگەيٸن ازايتۋ ٷشٸن بارلىق باعىتتار بويىنشا كەشەندٸ جۇمىس جٷرگٸزۋ قاجەت ەكەنٸن ايتتى.
