Aýstraliiadaǵy 8,4 million ga jerdi sharpyǵan órt 1,25 milliard janýardyń ómirin jalmaǵan. Bul týraly Álemdik tylsym tabiǵat qorynyń (WWF) jergilikti bólimi habarlady, dep jazady massaget.kz portaly.
Aýstraliiadaǵy koala, kengýrý, qaltaly ushar, potorý, kakadý syndy janýarlar tabiǵi apat qurbany bolǵan.
Ǵalymdardyń aitýynsha, ormandardyń qaita qalpyna kelýi úshin birneshe onjyldyq kerek. Al keibir janýarlar joiylyp ketý aldynda tur.
Órt tolyq bitken soń, jergilikti qor janýarlardyń "úiin" qaita qalpyna keltirýge, "2030 jylǵa qarai eki milliard aǵash ósirý" josparyna kómektesetinin jetkizdi.
Eske salaiyq, byltyr qyrkúiek aiynda Jańa Ońtústik Ýels shtatyndaǵy ormanda bastalǵan órt saldarynan elde tótenshe jaǵdai ornady. Órt tútininen memlekettik mekemeler, mýzeiler jabylyp jatyr.
Órtke shamadan joǵary aýa temperatýrasy sebep bolǵan. Ol biyl rekordtyq 42,9°S-ge jetti.
