اۋستراليياداعى 8,4 ميلليون گا جەردٸ شارپىعان ٶرت 1,25 ميلليارد جانۋاردىڭ ٶمٸرٸن جالماعان. بۇل تۋرالى ەلەمدٸك تىلسىم تابيعات قورىنىڭ (WWF) جەرگٸلٸكتٸ بٶلٸمٸ حابارلادى, دەپ جازادى massaget.kz پورتالى.
اۋستراليياداعى كوالا, كەنگۋرۋ, قالتالى ۇشار, پوتورۋ, كاكادۋ سىندى جانۋارلار تابيعي اپات قۇربانى بولعان.
عالىمداردىڭ ايتۋىنشا, ورمانداردىڭ قايتا قالپىنا كەلۋٸ ٷشٸن بٸرنەشە ونجىلدىق كەرەك. ال كەيبٸر جانۋارلار جويىلىپ كەتۋ الدىندا تۇر.
ٶرت تولىق بٸتكەن سوڭ, جەرگٸلٸكتٸ قور جانۋارلاردىڭ "ٷيٸن" قايتا قالپىنا كەلتٸرۋگە, "2030 جىلعا قاراي ەكٸ ميلليارد اعاش ٶسٸرۋ" جوسپارىنا كٶمەكتەسەتٸنٸن جەتكٸزدٸ.
ەسكە سالايىق, بىلتىر قىركٷيەك ايىندا جاڭا وڭتٷستٸك ۋەلس شتاتىنداعى ورماندا باستالعان ٶرت سالدارىنان ەلدە تٶتەنشە جاعداي ورنادى. ٶرت تٷتٸنٸنەن مەملەكەتتٸك مەكەمەلەر, مۋزەيلەر جابىلىپ جاتىر.
ٶرتكە شامادان جوعارى اۋا تەمپەراتۋراسى سەبەپ بولعان. ول بيىل رەكوردتىق 42,9°س-گە جەتتٸ.
