QR Prezidenti Qasym-Jomart Toqaev «ECOJER» halyqaralyq kongresi qatysýshylaryna úndeý joldady. Úndeýdi QR Prezidentiniń halyqaralyq yqtymaqtastyq jónindegi arnaýly ókili Erjan Qazyhan oqyp berdi, dep habarlaidy QazAqparat.
«ECOJER» birinshi ekologiialyq kongresiniń ashylýymen shyn júrekten quttyqtaýymdy qabyl alyńyzdar. Ózderińiz de bilesizder, qorshaǵan ortany jaqsartý Qazaqstan úshin basymdyq sanalady Qazaqstan Úkimeti Ekonomikalyq yntymaqtastyq jáne damý uiymynyń standarttaryna sai ekologiialyq zańnamany úilestirý jáne eń úzdik jasyl tájiribeni qoldaný úshin júieli reformalar júzege asyryp jatyr. Pandemiia barlyǵymyzǵa ekonomikanyń ósýi, azamattardyń áleýmettik ál-aýqaty jáne ómiri sapasy syrtqy ekologiialyq faktorlarmen buzylýy múmkin ekendigin kórsetip berdi», - dedi Memleket basshysy.
Máselen, QR Prezidentiniń atap ótýinshe, aýanyń nashar sapasy ekonomika ósiminiń baiaýlaýyna jáne Qazaqstan JIÓ-siniń jyl saiyn 1,5-2 paiyz deńgeiinde ysyrap bolýyna alyp keledi.
«Turaqty damý kontseptsiiasy «ekologiia-ekonomika-qoǵam» úsh taǵanynda úilesimdi ózara is-qimyl úshin shek bola alady. Ekologiialyq problemalardy sheshýdi munan ary keiinge qaldyra berýge bolmaidy. Jahandyq ekologiialyq ainalym, innovatsiianyń damýy men úzdiksiz tsifrlandyrý álemdik naryqty ózgertedi jáne turaqty ekonomikalyq ósimdi qamtamasyz etý úshin jańa ádisterdi talap etedi. Qazaqstan bai ekonomikalyq resýrstarmen joly bolǵan. Bul bizdiń aktivterimiz ekendigi sózsiz», - dedi Qasym-Jomart Toqaev.
Memleket basshysy Qazaqstan barlyq taraptyń igiligi úshin klimattyń ózgerý salasyndaǵy halyqaralyq yntymaqtastyqty belsendi túrde qorǵaityndyǵyn basa aitty. El Úkimeti parnikti gaz shyǵaryndylaryn tómendetý jáne ekonomikany kómirteksizdendirý úshin uzaqmerzimdi damý strategiiasyn ázirleýdi bastaǵanyn atap ótti.
