Premer-Ministr Asqar Maminniń tóraǵalyǵymen ótken Úkimet otyrysynda QR ekologiia, geologiia jáne tabiǵi resýrstar ministri Maǵzum Myrzaǵaliev Qazaqstan Respýblikasy Ekologiialyq kodeksiniń jańa redaktsiiasyndaǵy jobasyn usyndy, dep habarlaidy "Ult aqparat" primeminister.kz saityna silteme jasap.
Ekologiia, geologiia jáne tabiǵi resýrstar ministrliginiń málimetinshe, 2018 jyldyń qorytyndysy boiynsha atmosferaǵa lastaýshy zattardyń shyǵaryndylary 2,5 mln tonnany, al jyl saiynǵy ósýi 100 myń tonnany qurap otyr.
«Eger tiisti shara qabyldanbaǵan jaǵdaida, 2030 jyly boljam boiynsha lastaýshy zattardyń emissiiasy 3,6 mln tonnaǵa deiin ósetin bolady. Parniktik gazdar shyǵaryndylaryn azaitý boiynsha qajetti sharalar qabyldaý úshin Ministrlik nemis tarapynyń qoldaýymen 2050 jylǵa deiingi tómenkómirtekti damý strategiiasyn ázirleýge kiristi», — dedi M. Myrzaǵaliev.
Ministr atap ótkendei, qazirgi ýaqytta elimizdiń 3,5 myń poligonynda 120 mln tonnadan astam turmystyq qatty qaldyqtar jinaqtalǵan jáne jyl saiyn 5 mln tonnadan astam turmystyq qaldyqtar jinalyp otyrady. 2016 jyldan bastap turmystyq qatty qaldyqtardy óńdeý 2,6%-dan 11,5%-ǵa deiin, al ónerkásiptik qaldyqtardy óńdeý úlesi 26,8%-dan 32,2%-ǵa deiin óskeni baiqalady.
2019 jyldan bastap plastmassany, makýlatýrany, karton men qaǵaz qaldyqtaryn, shynyny kómýge tyiym salyndy. Alaida, óńirlerde tiisti infraqurylym bolmaǵandyqtan, iske qosylǵan mehanizm jetkilikti dárejede júzege asyrylmai otyr.
Sonymen qatar, ministrdiń aitýynsha, atmosferalyq aýanyń sapasy, jer ústi sýlarynyń lastanýy, kárizdik tazartý qurylǵylarynyń tozýy nemese bolmaýy, turmystyq qatty qaldyqtar poligondarynyń bolmaýy nemese jai-kúiiniń nasharlyǵy boiynsha problemalar bar. Budan basqa, sheshýdi qajet etetin jergilikti ekologiialyq problemalar da bar.
«Jergilikti atqarýshy organdar ekologiialyq jaǵdaidy jaqsartý boiynsha keshendi sharalar qabyldaý arqyly atalǵan problemalardy sheshýge tyrysady. Degenmen, respýblikanyń qorshaǵan ortasyn jaqsartý úshin ulttyq deńgeidegi sharalardy qabyldaý qajet», — dedi ministr.
Elbasy men Memleket basshysynyń tapsyrmalaryna sáikes, Ekologiia, geologiia jáne tabiǵi resýrstar ministrligi Ekologiialyq kodeks pen oǵan ilespe zańnyń jobalaryn ázirledi. Ekologiialyq kodeks jobasy – ekologiialyq retteýdegi Ekonomikalyq yntymaqtastyq jáne damý uiymynyń tájiribesi eskerile otyryp ázirlengen jańa qujat.
Sonymen qatar Kodeksti ázirleý kezeńinde, ony óńirlerde jurtshylyqpen jáne biznes-qaýymdastyqpen keńinen talqylaý júrgizildi. Osy talqylaý barysynda jurtshylyqtan 2 myńnan astam usynys tústi. Sonyń birazy Kodekske endi.
