Foto: t.me/KZgovernment
Dosbol Bekmaǵambetov ekologiia jáne tabiǵi resýrstar vitse-ministri qyzmetine taǵaiyndaldy, - dep habarlaidy "Ult aqparat" Premer-ministrdiń baspasóz qyzmetine silteme jasap.
"Qazaqstan Respýblikasy Úkimetiniń qaýlysymen Bekmaǵambetov Dosbol Botashuly QR ekologiia jáne tabiǵi resýrstar vitse-ministri qyzmetine taǵaiyndaldy", - delingen habarlamada.
Dosbol Bekmaǵambetov 1979 jyly Qaraǵandy oblysynda dúniege kelgen. Qaztutynýodaǵy Qaraǵandy ekonomikalyq ýniversitetin, Bóketov atyndaǵy Qaraǵandy memlekettik ýniversitetin, Qaraǵandy memlekettik tehnikalyq ýniversitetin, Seifýllin atyndaǵy Qazaq agrotehnikalyq ýniversitetin bitirgen.
Eńbek jolyn 2007 jyly Qaraǵandy oblysy Eńbek jáne halyqty áleýmettik qorǵaý departamenti Eńbek týraly zańnamany baqylaý bóliminiń bas mamanynyń mindetin atqarýshy bolyp bastaǵan.
2007-2008 jyldary Qaraǵandy qalasy Nura aýdany boiynsha qorshaǵan ortany qorǵaý jónindegi ýákiletti memlekettik inspektordyń bas mamany qyzmetin atqardy.
2008-2012 jyldary Qaraǵandy oblysy Nura aýdanynyń ekologiia inspektorynyń bas maman-ýákili bolǵan.
2012-2016 jyldary – Qaraǵandy oblysy Nura aýdany ákiminiń orynbasary.
2016-2017 jyldary QR Aýyl sharýashylyǵy ministrligi Agroónerkásiptik keshendegi memlekettik inspektsiia komitetiniń quqyqtyq qamtamasyz etý jáne Memlekettik satyp alý basqarmasynyń sarapshysy qyzmetin atqarǵan.
2017-2019 jyldary – sý qoryn memlekettik baqylaý jáne qorǵaý bóliminiń bas mamany; QR Aýyl sharýashylyǵy ministrligi Sý resýrstary komitetiniń Sý resýrstaryn paidalanýdy retteý jáne qorǵaý jónindegi Esil basseindik inspektsiiasy basshysynyń orynbasary bolyp jumys istegen.
2019-2021 jyldary – QR ekologiia, geologiia jáne tabiǵi resýrstar ministrligi Sý resýrstary komitetiniń Sý resýrstaryn paidalanýdy retteý jáne qorǵaý jónindegi Esil basseindik inspektsiiasy basshysynyń orynbasary; basshysy qyzmetin atqarǵan.
2021 jyldyń sáýirinen bastap qazirgi ýaqytqa deiin QR Ekologiia jáne tabiǵi resýrstar ministrligi Sý resýrstary komiteti tóraǵasynyń orynbasary bolǵan.
