Ekologiia, geologiia jáne tabiǵi resýrstar ministrligi kómek kórsetý úshin Aqtaý portyndaǵy jaraly itbalyq izdestirip jatyr. Birer kún buryn áleýmettik jelilerde jaraly itbalyqtyń videosy tarap ketken bolatyn, dep habarlaidy "Ult aqparat".
«Dostar, áleýmettik jelidegi jaraly itbalyq týraly beinejariialanymdy naqtylaǵym keledi. Mańǵystaý oblystyq aýmaqtyq orman sharýashylyǵy jáne janýarlar dúniesi inspektsiiasy videony Aqtaý teńiz portynyń qaýipsizdik qyzmeti túsirgenin anyqtady. Beinetúsirilimde itbalyqtyń arqasynda kemeniń nemese katerdiń burandasymen urǵan úlken jaraqat bar ekeni kórinedi. Qazirgi ýaqytta inspektsiia qyzmetkerleri janýarǵa kómek kórsetý úshin izdestirip jatyr. Aqtaýda itbalyqtardy zertteitin jáne qalpyna keltiretin ortalyq bar ekenin aitqym keledi. Jaraly ne aýrý itbalyqty kórgen jaǵdaida, ortalyq ony qutqarý, qajetti kómek kórsetý úshin jedel top attandyrady», - dep habarlady ministrliktiń baspasóz qyzmetinen.
Osy beinetúsirilimdi jasaǵan adamdarmen áńgime ótkizilip, aldaǵy ýaqytta mundai jaǵdai qaitalana qalsa, aýmaqtyq inspektsiiaǵa nemese joǵarydaǵy ortalyqqa júginý qajett.
«Mundai jaǵdaida dereý ministrliktiń +7777 678 5252 nómirli jedel jelisine habarlasý kerek. Bul tez qimyldap, janýarlarǵa jedel kómek kórsetýge múmkindik beredi», - delingen habarlamada.
