ەكولوگييا, گەولوگييا جەنە تابيعي رەسۋرستار مينيسترلٸگٸ كٶمەك كٶرسەتۋ ٷشٸن اقتاۋ پورتىنداعى جارالى يتبالىق ٸزدەستٸرٸپ جاتىر. بٸرەر كٷن بۇرىن ەلەۋمەتتٸك جەلٸلەردە جارالى يتبالىقتىڭ ۆيدەوسى تاراپ كەتكەن بولاتىن, دەپ حابارلايدى "ۇلت اقپارات".
«دوستار, ەلەۋمەتتٸك جەلٸدەگٸ جارالى يتبالىق تۋرالى بەينەجارييالانىمدى ناقتىلاعىم كەلەدٸ. ماڭعىستاۋ وبلىستىق اۋماقتىق ورمان شارۋاشىلىعى جەنە جانۋارلار دٷنيەسٸ ينسپەكتسيياسى ۆيدەونى اقتاۋ تەڭٸز پورتىنىڭ قاۋٸپسٸزدٸك قىزمەتٸ تٷسٸرگەنٸن انىقتادى. بەينەتٷسٸرٸلٸمدە يتبالىقتىڭ ارقاسىندا كەمەنٸڭ نەمەسە كاتەردٸڭ بۇرانداسىمەن ۇرعان ٷلكەن جاراقات بار ەكەنٸ كٶرٸنەدٸ. قازٸرگٸ ۋاقىتتا ينسپەكتسييا قىزمەتكەرلەرٸ جانۋارعا كٶمەك كٶرسەتۋ ٷشٸن ٸزدەستٸرٸپ جاتىر. اقتاۋدا يتبالىقتاردى زەرتتەيتٸن جەنە قالپىنا كەلتٸرەتٸن ورتالىق بار ەكەنٸن ايتقىم كەلەدٸ. جارالى نە اۋرۋ يتبالىقتى كٶرگەن جاعدايدا, ورتالىق ونى قۇتقارۋ, قاجەتتٸ كٶمەك كٶرسەتۋ ٷشٸن جەدەل توپ اتتاندىرادى», - دەپ حابارلادى مينيسترلٸكتٸڭ باسپاسٶز قىزمەتٸنەن.
وسى بەينەتٷسٸرٸلٸمدٸ جاساعان ادامدارمەن ەڭگٸمە ٶتكٸزٸلٸپ, الداعى ۋاقىتتا مۇنداي جاعداي قايتالانا قالسا, اۋماقتىق ينسپەكتسيياعا نەمەسە جوعارىداعى ورتالىققا جٷگٸنۋ قاجەتت.
«مۇنداي جاعدايدا دەرەۋ مينيسترلٸكتٸڭ +7777 678 5252 نٶمٸرلٸ جەدەل جەلٸسٸنە حابارلاسۋ كەرەك. بۇل تەز قيمىلداپ, جانۋارلارعا جەدەل كٶمەك كٶرسەتۋگە مٷمكٸندٸك بەرەدٸ», - دەلٸنگەن حابارلامادا.
