Foto: Pexels.com
Ekologiia jáne tabiǵi resýrstar ministrligi Mańǵystaý oblysynda óli tabylǵan itbalyqtardyń jappai qyrylýynyń naqty sebebin áli kúnge deiin atai almai otyr. Ministrlik jaǵdaidy baǵalaý qiyn ekenin, sebebi itbalyqtardyń deneleri qatty ydyraǵanyn málimdedi, dep habarlaidy Ulysmedia.kz.
Ihtiologtardyń aitýynsha, itbalyqtar Soltústik Kaspiige kelip, yqtimaldy lastanýdyń saldarynan jappai qyrylyp jatqan bolýy múmkin.
Ekologiia ministrligi qandai sharalar qoldanýda?
Vitse-ministr Jomart Álievtiń aitýynsha, itbalyqtardyń jaǵdaiy "únemi baqylaýda" jáne osy máseleni zertteý úshin oblystyq komissiia qurylǵan. Komissiia quramyna ártúrli mamandar engen.
"Qazirgi ýaqytta Mańǵystaý oblysynyń zerthanalyq baqylaý qyzmetkerleri sýdan synamalar aldy. Komissiia quramynda veterinarlyq inspektsiia men balyq resýrstary komitetiniń ókilderi bar. Sý sapasy týraly qorytyndy jasaý úshin zerthanalyq synaqtardyń nátijelerin kútip otyrmyz," – dedi ol.
Aldyn ala nusqalar joq
Vitse-ministr itbalyqtardyń jappai qyrylýynyń aldyn ala sebebin ataýdan bas tartty. Onyń aitýynsha, tabylǵan ólikterdiń kóp bóligi ydyraýdyń sońǵy kezeńderinde bolǵan. Keibir itbalyqtar adam áreketinen ólgen bolýy múmkin degen nusqalar da qaralýda, biraq naqty sebepterin anyqtaý úshin keshendi zertteýler qajet.
Aldyn ala esep boiynsha, Mańǵystaý jaǵalaýynda óli tabylǵan itbalyqtardyń sany 289-ǵa jetken.
Ihtiolog Ásel Baimuqanovanyń pikirinshe, Soltústik Kaspiige kelgennen keiin itbalyqtar belgisiz sebepterden ólip jatyr.
