© Sputnik
"ArselorMittal Temirtaý" kompaniiasy tekserýge kelgen ekologtardy kásiporynǵa kirgizbegen. Qazaqstannyń ekologiia, geologiia jáne tabiǵi resýrstar ministrligi tekserýge kedergi keltirgeni úshin sotqa shaǵym túsirdi, dep habarlaidy Sputnik Qazaqstan.
"Mamandardy kásiporynǵa tekserýge jibermedi, biz kedergi keltirgeni úshin sotqa júgindik", - dedi ekologiialyq retteý jáne baqylaý komitetiniń tóraǵasy Zýlfýhar Joldasov.
Onyń aitýynsha, ministrlik kompaniiaǵa birneshe milliard dollar aiyppul salýdy kózdep otyr.
"Qazir sanap jatyrmyz. Meniń oiymsha, birneshe milliard aiyppul salynady. Másele aiyppulda emes. Shyn máninde, biz olardy aýaǵa ziiandy zattardyń shyǵýyn azaitýǵa májbúrleimiz", - dedi ol.
Komitet tóraǵasy ministrliktiń naqty shyǵaryndylardy azaitý baǵytynda jumys istep jatqanyn málimdedi. Onyń aitýynsha, "Jasyl Qazaqstan" ulttyq baǵdarlamasynda "ArselorMittal Temirtaý" kompaniiasy shyǵaratyn ziiandy qaldyqtardy 250-den 140 myń tonnaǵa deiin tómendetý kózdelgen.
