Ekologiia, geologiia jáne tabiǵi resýrstar ministrligi Nur-Sultandaǵy Aqbulaq ózeni boiynsha tekserý jumysyn bastady. Buǵan deiin atalmysh ózenniń lastanǵany týraly halyqtan shaǵym túsken bolatyn, dep habarlaidy "Ult aqparat".
Nur-Sultan qalasyndaǵy Aqbulaq ózeniniń lastanǵany týraly áleýmettik jelilerdegi aqparattarǵa bailanysty tekserý bastalǵan. Naqtyraq aitqanda 2020 jylǵy 13 qazanda «Qazgidromet» RMK Nur-Sultan qalasy boiynsha Ekologiialyq monitoring departamenti Qorshaǵan orta lastanýynyń monitoring zerthanasynyń qyzmetkerleri birqatar núkteden jospardan tys sý synamalaryn alǵan.
«Atap aitqanda qurylys alańynan 0,5 shaqyrym joǵary, temirjol kópiriniń janynan, ekinshiden qala turǵyndary túsirgen orynnan (qurylys alańyna qarama-qarsy), úshinshiden qurylys alańynan 0,5 shaqyrym tómen, avtomobil kópiriniń astynda, A.Pýshkin kóshesi men Sh.Qudaiberdiuly dańǵylynyń qiylysynan alyndy», - dep habarlaidy Ekologiia jáne geologiia, tabiǵi resýrstar ministrliginen.
Ministrlik jer ústi sýlarynyń sapasyn taldaý 42 fizikalyq-himiialyq kórsetkish, atap aitqanda basty iondardy, biogendi, organikalyq jáne beiorganikalyq zattar, aýyr metaldar boiynsha júrgizilgenin jariia etti.
«Shekti ruqsat etilgen normadan asyp ketý - ottegin, ammonii ionyn, tuzdylyqty, kaltsii men hloridterdi himiialyq tutyný kezinde tirkeldi. Bul sý qoimasynyń organikalyq zattarmen jáne sýǵa tán qospalarmen lastanǵanyn kórsetedi. Aqparat Ekologiia, geologiia jáne tabiǵi resýrstar ministrliginiń Ekologiialyq retteý jáne baqylaý komitetine jiberildi. Qazirgi ýaqytta 5 táýlik ishinde ottegini biohimiialyq tutyný boiynsha taldaý júrgizý jalǵasýda, nátijeler qosymsha usynylady», - dep habarlaidy ministrlikten.
