QR Ekologiia, geologiia jáne tabiǵi resýrstar ministri Maǵzum Myrzaǵaliev kórshiles eldermen transshekaralyq ózenderge qatysty kelissózder qalai júrip jatqanyn aitty, dep habarlaidy QazAqparat.
Parlament Senatynyń jalpy otyrysynda depýtat Nurtóre Júsip transshekaralyq ózenderge bailanysty suraq qoidy.
«Orhýs konventsiiasyna Resei Federatsiiasy, Ózbekstan jáne Qytai memleketteri qol qoimaǵan. Qazaqstannyń transshekaralyq ózenderiniń barlyǵynyń bastaýy osy memleketterden alady. Olar qol qoimaǵan jaǵdaida, Qazaqstannyń áreketi qandai bolady?» - dep surady senator.
«Rasynda da siz aitqan memleketter Orhýs konventsiiasyna qosylmaǵan. Degenmen biz transshekaralyq ózenderdiń máselesi óte ózekti bolǵannan keiin, biz bul memlekettermen ekijaqty qarym-qatynasta jumys istep kele jatyrmyz. Bul tetik jaqsy damyǵan, biz osy baǵytta jumystady nyǵaitamyz», - dedi M. Myrzaǵaliev.
Onyń sózine qaraǵanda, transshekaralyq ózender boiynsha Qytaimen 2015 jyldan beri kelissóz júrgizilip keledi. Osy oraida, ózen aǵynyn bólý jáne birlesken rejim tańdaý sharalary eskerilgen.
«Aita ketetin jait, Qytaimen tórt jyldyń ishinde mátinniń tek 25 paiyzyn kelistik. Kelissózder ońai emes. Degenmen, Qazaqstan Qytai kórshileriniń arasynda transshekaralyq máseleni talqylap jatqan jalǵyz el. Bul Elbasynyń Qytai basshylyǵymen qol jetkizgen kelisimshartqa aiasynda iske asyrylyp keledi. Sonymen qatar, jaqynda Resei tarapymen Jaiyq máselesi boiynsha tiisti sheshim bolady dep oilaimyz, kelesi jyldan bastap birlesken zertteý jumystaryn jasaimyz. Atap aitqanda, Reseimen, Ózbekstanmen arada zańnamalyq baza bar», - dedi M. Myrzaǵaliev.
Budan buryn habarlanǵandai, búgin Parlament Senatynyń jalpy otyrysynda palata depýtattary «Aqparatqa kirý, sheshimder qabyldaý protsesine jurtshylyqtyń qatysýy jáne qorshaǵan ortaǵa qatysty máseleler boiynsha sot ádildigine qol jetkizý týraly konventsiiaǵa Lastaýyshtardyń shyǵaryndylary men tasymaldarynyń tirkelimderi týraly hattamany ratifikatsiialaý týraly» Zańyn qabyldandy.
Osy Hattamaǵa qosylý maqsaty Orhýs konventsiiasynyń erejelerimen negizdelgen.
