QR Ekologiia, geologiia jáne tabiǵi resrýrstar ministri Maǵzum Myrzaǵaliev Qaraǵandy oblysynyń Qarqaraly aýdanynda bolyp jatqan órtke qatysty pikir bildirdi, dep habarlaidy QazAqparat.
Ekologiialyq týrizmdi damytýǵa arnalǵan memorandýmǵa qol qoiý sharasy barysynda QR Ekologiia, geologiia jáne tabiǵi resýrstar ministri Maǵzum Myrzaǵaliev BAQ ókilderine Qarqaralydaǵy orman órti týraly aqparat berdi.
«Órt áli sóndirilgen joq. Jańa ǵana oblys ákimimen sóilestim. Bizdiń osy jaqtan ushyp shyqqan mamandarmen birge órt bolǵan aýmaqty áýeden baqylaý júrgizip jatyr. Shamamen 500 gektar orman órtenip jatyr. Bul - óte úlken shyǵyn. Bizdiń ministrlik tarapynan da órtti aýyzdyqtaý boiynsha shara qoldanylyp jatyr. Qazir ol jerde 280-nen astam adam jalynmen arpalysýda», - dedi ministr BAQ ókilderine.
