قر ەكولوگييا, گەولوگييا جەنە تابيعي رەسرۋرستار مينيسترٸ ماعزۇم مىرزاعاليەۆ قاراعاندى وبلىسىنىڭ قارقارالى اۋدانىندا بولىپ جاتقان ٶرتكە قاتىستى پٸكٸر بٸلدٸردٸ, دەپ حابارلايدى قازاقپارات.
ەكولوگييالىق تۋريزمدٸ دامىتۋعا ارنالعان مەموراندۋمعا قول قويۋ شاراسى بارىسىندا قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ باق ٶكٸلدەرٸنە قارقارالىداعى ورمان ٶرتٸ تۋرالى اقپارات بەردٸ.
«ٶرت ەلٸ سٶندٸرٸلگەن جوق. جاڭا عانا وبلىس ەكٸمٸمەن سٶيلەستٸم. بٸزدٸڭ وسى جاقتان ۇشىپ شىققان ماماندارمەن بٸرگە ٶرت بولعان اۋماقتى ەۋەدەن باقىلاۋ جٷرگٸزٸپ جاتىر. شامامەن 500 گەكتار ورمان ٶرتەنٸپ جاتىر. بۇل - ٶتە ٷلكەن شىعىن. بٸزدٸڭ مينيسترلٸك تاراپىنان دا ٶرتتٸ اۋىزدىقتاۋ بويىنشا شارا قولدانىلىپ جاتىر. قازٸر ول جەردە 280-نەن استام ادام جالىنمەن ارپالىسۋدا», - دەدٸ مينيستر باق ٶكٸلدەرٸنە.
