Ekologiia ministrligi delfinarilerdiń jabylýy týraly qazaqstandyq tabiǵat qorǵaýshylaryń usynysyn qarastyratyn bolady. Bul týraly búgi QR Ekologiia, geologiia jáne tabiǵi resýrstar ministri Maǵzum Myrzaǵaliev óziniń Twitter-degi parashasynda jazdy, dep habarlaidy "Ult aqparat".
Ministrdiń jazýynsha, ol tabiǵat janashyrlarynyń delfinderdi ustaý jaǵdaiyna degen alańdaýshylyǵyn eskere otyryp, «Jan-janýarlarǵa jaýapkershilikpen qaraý» zańnamasynyń sheńberinde jabý máselesin qarastyrady.
«Bul aiaq astynan paida bolǵan másele emes. Sondyqtan onyń sheshilýi úshin belgili bir ýaqyt kerek. Halyqaralyq tájiribeler eskerilýi qajet. «Janýarlarǵa jaýapkershilikpen qaraý» týraly zańnyń jobasynda dál osy gýmanizm printsipteri negiz bolady. Ministrlik atynan osy máselege alańdaýshylyq bildirip, azamattyq ustanymyn tanytqan adamdarǵa alǵysymyzdy aitamyz», - dep jazdy Maǵzum Myrzaǵaliev.
