Foto: Ekologiia ministrligi
Qazaqstanda biyl Ekologiia kúni alǵash ret keń kólemde atalyp ótip jatyr. Osy merekege orai elimizde 50-den astam aýqymdy is-shara uiymdastyrylmaq. Is-sharalar qataryna ekosaǵattar, kórmeler, plener master-klasstar, senbilikter, sýret baiqaýlary, sondai-aq saiabaqtar men skverlerdiń ashylýy kiredi, dep habarlaidy Ult.kz.
Ekologiia jáne tabiǵi resýrstar ministri Erlan Nysanbaev kásibi merekege orai saltanatty jiynda salanyń ardagerleri men úzdik qyzmetkerlerine vedomstvolyq nagradalar, qurmet gramotalary jáne alǵys hattar tabystady. Qorshaǵan ortany qorǵaýǵa qosqan erekshe úlesi úshin ekologtar, tabiǵatty qorǵaý uiymdarynyń qyzmetkerleri jáne qaldyqtardy qaita óńdeý salasyndaǵy biznes ókilderi marapattaldy.
Sondai-aq «Qazaqstan ekologiiasyn jaqsartýǵa qandai úles qosamyn?» taqyrybynda esse baiqaýynyń qorytyndysy shyǵaryldy. Baiqaýǵa Astana qalasynyń jalpy bilim beretin mektepteriniń 9-11 synyp oqýshylary arasynan 22 oqýshysy qatysty.
Qoiylǵan sharttarǵa sáikes ár mektepten qazaq jáne orys tilderinde bir jumys qabyldandy, sondai-aq, esseniń biregeiligi, taqyryptyń ashylýy, avtordyń jeke stili men saýattylyǵy baǵalanǵanyn atap ótken jón.
Quramyna Ministrlik qyzmetkerleri kirgen konkýrstyq komissiianyń sheshimi boiynsha jeńimpazdar tómendegidei anyqtaldy:
Birinshi oryn – Qaldysh Aisha, Astana qalasy ákimdiginiń «J. Jabaeva atyndaǵy № 4 mektep-gimnaziia» ShJQ MKK 9 synybynyń oqýshysy;
Ekinshi oryn – Maýken Aiarý, Astana qalasy ákimdiginiń «№ 82 «Daryn» mamandandyrylǵan litsei» KMM, 10 synybynyń oqýshysy;
Úshinshi oryn – Baimaǵambetova Janel, Astana qalasy ákimdiginiń «№ 5 gimnaziia» ShJQ MKK, 10 synybynyń oqýshysy.
