QR Prezidentiniń baspasóz hatshysy Berik Ýáli Memleket basshysy Qasym-Jomart Toqaevtyń 2020 jylǵy Joldaýynda jáne 22 qazanda Ulttyq qoǵamdyq senim keńesinde bergen tapsyrmasy qalai oryndalyp jatqany jóninde málimet usyndy, dep habarlaidy "Ult aqparat".
Máselen, Prezident Memlekettik ulttyq tabiǵi parkterdi damytýdyń sheberlik-josparlaryn jurtshylyqpen júieli túrde talqylaýdy qamtamasyz etý qajettigin aitqan bolatyn.
Týrizm jáne demalys oryndaryn damytý máseleleri boiynsha qabyldanǵan sheshimderdiń ashyqtyǵyn qamtamasyz etý maqsatynda búgingi kúnge deiin oryndalǵany:
- 13 ulttyq parktiń janynan Qoǵamdyq keńester quryldy;
- Almaty oblysyndaǵy Sharyn, «Altynemel», «Kólsai kólderi» memlekettik ulttyq tabiǵi parkterdiń ekologiialyq týrizmin damytýdyń tujyrymdamalary ázirlendi;
- Týristik baǵdarlar men joldardy damytýǵa - kúrdeli qurylys jumystary júrgizbei-aq, týrizm nysandaryn salýǵa; qarsy alyp-shyǵaryp salý zamanaýi ortalyqtaryn, glempingter, kempingter, qazaq aýyldaryn jáne kerýen-sarailaryn ashý máselelerine erekshe kóńil bólindi.
- Basqa ulttyq parkterde etnotýrizmdi damytý tujyrymdamalaryn ázirleý, bekitý jumystary júrip jatyr;
- Ekotýrizmdi damytý jónindegi qoǵamdyq keńesterdi qurý jumystary jalǵasýda.
