Bokstan Tokio Olimpiadasynyń jartylai finalyna ótken Sáken Bibosynov búgingi jekpe-jegin qorytyndylady, dep jazdy Olympic.kz.
"Jekpe-jek aýyr ótti. Birinshi raýndta basymdyq tanytqanymmen, ekinshi raýndta qatelik jiberdim. Boiymnyń uzyndyǵyna qaramastan, qarsylasymdy jaqyndatyp aldym. Negizi qarsylasym las judyryqtasady eken", - deidi Bibosynov.
Onyń aitýynsha, ekinshi raýndtan soń bapkeri namysyn oiatyp, kelesi kezeńge jaqsy taktika qoiyp beripti.
"Sol kisiniń aitqandaryn túgel oryndadym. Endi aldaǵy qarsylasym da ońai emes. Ulybritaniialyq boksshymen sparringtik kezdesýler ótkizgenmin, biraq áli resmi túrde kezdespedim. Jeńiske jetý úshin bar kúshimizdi salamyz", - dep túiindedi boksshy.
52 kelidegi jartylai finaldyq jekpe-jek 5 tamyz kúni ótedi.
