بوكستان توكيو وليمپياداسىنىڭ جارتىلاي فينالىنا ٶتكەن سەكەن بيبوسىنوۆ بٷگٸنگٸ جەكپە-جەگٸن قورىتىندىلادى, دەپ جازدى Olympic.kz.
"جەكپە-جەك اۋىر ٶتتٸ. بٸرٸنشٸ راۋندتا باسىمدىق تانىتقانىممەن, ەكٸنشٸ راۋندتا قاتەلٸك جٸبەردٸم. بويىمنىڭ ۇزىندىعىنا قاراماستان, قارسىلاسىمدى جاقىنداتىپ الدىم. نەگٸزٸ قارسىلاسىم لاس جۇدىرىقتاسادى ەكەن", - دەيدٸ بيبوسىنوۆ.
ونىڭ ايتۋىنشا, ەكٸنشٸ راۋندتان سوڭ باپكەرٸ نامىسىن وياتىپ, كەلەسٸ كەزەڭگە جاقسى تاكتيكا قويىپ بەرٸپتٸ.
"سول كٸسٸنٸڭ ايتقاندارىن تٷگەل ورىندادىم. ەندٸ الداعى قارسىلاسىم دا وڭاي ەمەس. ۇلىبريتانييالىق بوكسشىمەن سپاررينگتٸك كەزدەسۋلەر ٶتكٸزگەنمٸن, بٸراق ەلٸ رەسمي تٷردە كەزدەسپەدٸم. جەڭٸسكە جەتۋ ٷشٸن بار كٷشٸمٸزدٸ سالامىز", - دەپ تٷيٸندەدٸ بوكسشى.
52 كەلٸدەگٸ جارتىلاي فينالدىق جەكپە-جەك 5 تامىز كٷنٸ ٶتەدٸ.
